Jeremiah 31:40 - Bible Ni Thothup

⁴⁰ Ma fare loway ni ga’ngin ni yima yin’ e yam’ ngay nge dow, nge urngin yang e ted ni bay nga talang ko lul’ ni Kidron nge yan i mada’ ko fare garog ni Garog ko Os fithingan ko ngek e bayi par nib thothup ni fan ngog. Ma re binaw nem e gathi bay kun buthug e naun riy ara ni kirebnag bayay.”

Jeremiah 31:40 Referans Kwoze

Joel 3:17

“Gimed piyu Israel, e aram e bay mu nanged ni Gag e SOMOL ni Got romed. Gu be par u Zion, u daken e burey rog nib thothup. Jerusalem e bayi par nib binaw nib thothup; ma girdi’ nu bang e dabkiyag ni ngar koled yu Jerusalem bayay.

2 Samuel 15:23

Ma nap’an ni yan e tirok David e girdi’ me pag e girdi’ lamrad ngalang ngar yorgad. Me yan David ni Pilung i th’ab e lul’ ni Kidron nge yan ni be sor nga daken e ted, miki rin’ e pi’in yad be un ngak ni aram rogon.

John 18:1

Ma nap’an ni mu’ Jesus ko meybil me un pi gachalpen ngak ngar th’abed fare lul’ ni Kidron fithingan nga baraba’. Ma bay ba chuwo’ i gek’iy u rom nni yung ni yima l’angag fithik’, me yan Jesus nge pi gachalpen ngay.

2 Kronicles 23:15

Miyad kol fare pin ngar feked i yan ko fare naun ko pilung, mu rom ko fare Garog ni Os e ra thanged e fan rok riy.

2 Kings 11:16

Miyad kol ngar feked i yan ko fare naun rok e pilung, mu rom ko fare Garog ni Os e ra thanged e fan rok fare pin riy.

Zekariah 14:20

Rofen nem e mus ko beal nikan m’ag nga tan l’ugun e os ma kani ker e yu bug i thin ni ba’aray nga daken “Kan og nag ngak SOMOL.” Pi th’ib ni yima lum riy u Tempel e ta’reb feni tabgul ko fa yu raba’ i dabiy u mit e altar.

Nehemiah 3:28

Ba ulung i prist e ra ubungyed e gin migid, me yan ko Garog ni Os ko lel’och, nra bagyad ma be ubung u puluwon e birok e naun.

2 Kings 23:12

Me buthug Josiah ni Pilung fapi altar ni bay u daken e chigiy ko thal ni lang e naun rok Ahaz, ni pi’in ni kar pilunggad u m’on rok Josiah e ra ngongliyed, miki buthug fapi altar ni ngongliy Manasseh ni Pilung u lan fa gal yoror ko Tempel; me pirdi’iy fapi altar nge par ni nochyang me yan i n’ag ngalan e loway nu Kidron.

2 Kings 23:6

Me chuweg u lan e tempel fare ley i gek’iy ni kan tay ni fan ngak Asherah ni fare got ni bpin, me fek nga wuru’ e binaw ko fare loway nu Kidron me urfiy u rom, me pirdi’iy e awatan nge bangbang me yan i wereg ko gin ni yima gum’eyag riy.

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Ezekiel 37:25

Bay ra pired ko fare nam ni gu pi’ ngak e tapigpig rog i Jakob, ni fare nam ni i par pi chitamangirad ni kakrom riy. Bay ra pired u rom, ma ku er i tay pifakrad nge urngin e pi’in bay yib ni owcherad ni dariy n’umngin nap’an. Ba pilung ni bod e tapigpig rog i David e bay i gagiyeg nagrad ni dariy n’umngin nap’an.

Ezekiel 37:2

Ma gamow lekag fare loway, mu gguy ni pire’ e yil ni bay riy nike mlik’.

Jeremiah 32:36

I SOMOL, ni Got rok yu Israel e ga’ar ngog, “Jeremiah, be yog e girdi’ ni mael, nge uyngol, nge liliy e ra gagiyegnag e re binaw ney nge thay nga pa’ e pilung nu Babylon. Ere mu telim ko mang e bay ni ngugog e chiney.

Jeremiah 18:7

Ngiyal’ i n’en nra lungug e nggu pug ngalang ara nggu t’ar nga but’, ara gu kirebnag demturug ba nam fa lungun e pilung,

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Isaiah 51:22

I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Jeremiah 1:10

Daba’ e ku gu pi’ gelngim ni ngam gel ko pi nam nge yungi ban’en nra reb e pilung ma be gagyegnag bang, ni ngam pug ngalang ma ga buthug, ma ga kirebnag ma ga chuweg, ma ga ubung ma ga yung.”

Psalms 48:9

A Got, u lan e Tempel rom, e gamad ma leamnag riy e t’ufeg rom ni dabimus.

Zekariah 14:11

Bayi par e girdi’ u rom u fithik’ e gapas, dakuriy be’ nra yib nag e cham ngorad.