Jeremiah 31:27 - Bible Ni Thothup

²⁷ “I Gag SOMOL e gu be yog ni bay i taw nga bangiyal’ mu gu suguy e nam nu Israel ngu Judah ko girdi’ nge gamanman.

Jeremiah 31:27 Referans Kwoze

Hosea 2:23

Ma bay gu tay e tirog e girdi’ u daken e nam rorad ngu’ur pired ni kefel’ rogorad. Ma bay gu dag e t’ufeg ko fa pi’ nem ntunguy “Det’uf” ngorad, ma bay gog ngak fa pin’em ntunguy “Gathigidi’eg” ngorad, ni bayi lungug ngorad, “Gimed e girdi’ rog,” ma bay ra fulweged ni lungurad, “I gur e Got romad.”

Ezekiel 36:11

Bay gu yo’ornag e girdi’ nge garbaw. Bay mu yo’orgad nga rogon ni umed nsom’on, ma bay i yo’or pifakmed. Ma bay gu pagmed ngam pired u rom ni bod ni um pired ko som’on, ma bay ggelnag e fla’ab romed. Ma aram e bay mu nanged ni Gag fare SOMOL.

Ezekiel 36:9

Gubmang ngomed, ma bay gu micheg ni but’ romed e bay kun gi’ bayay min yung e woldug ngay.

Zekariah 10:9

Yug aram rogon ni gu pagrad ngar weargad ko pi nam i yan, machane yad ra leam nigeg u lan e pi nam nem nib palog. Yad nge pifakrad e yad ra fos ma bay ra sulod nga taferad u ta’bang.

Jeremiah 30:19

Girdi’ nma par u rom e bay ra tang niged e og magaer nge sorok; ma bay ra tolul gad ngalang ko felfelan’. Fal’eg wa’ath rog ngorad e ngar yo’or gad; towa’ath rog ngorad e bay un tay farad.

Deuteronomy 30:9

I SOMOL e bayi fal’eg rogmed ko urngin e pin’en ni gimed ra muruwliy, bayi yo’or pifakmed, me yo’or e garbaw romed, me pire’ e ggan ni bay yib ko woldug romed. Ra falan’ ngay ni nge fal’eg rogomed ni bod ni fal’eg rogon e pi chitamangimed kakrom nib falan’ ngay,

Ezekiel 36:10

Bay gu yo’or nagmed. Bay mu pired u lan fapi binaw ngkum toyed bayay gubin e tin ni mogothgoth.

Psalms 107:41

Machane ayuweg e pi’in ke t’uf e ayuw rorad u fithik’ e gafgow rorad, me yo’ornag chon e tabinaw rorad ni bod yu ran’ i saf.