Jeremiah 31:15 - Bible Ni Thothup

¹⁵ Be ga’ar SOMOL, “Ka ni rung’ag ba lam u lan yu Ramah, ni laman e meyor nib gel. I Rachel e be yornag pifak; ndabiyag i fal’eg laniyan’, ni bochan e daki moy pifak.

Jeremiah 31:15 Referans Kwoze

Jeremiah 40:1

I SOMOL e non ngog u tomuren nike pageg Nebuzaradan u kalbus ni ir e ga’ ko salthaw u Ramah. Ya ni fekeg ngaram ni kan chain nigeg, ni gub mu’un ngak gubin fapi girdi nu Jerusalem ngu Judah nni fekrad ni kalbus nga Babylon.

Psalms 77:2

Gu meybil ngak Somol ko ngiyal’ nike yib e gafgow ngog; polo’ e nep’ ni gu meybil ni kug tining pa’ag ngalang, machane, de fel’ lanin’ug.

Genesis 35:19

Nap’an ni yim’ Rachel min k’eyag nib chuchugur ko kanawo’ ni sor nga Efrath, ni aram yu Bethlehem e chiney.

Jeremiah 10:20

Pi tent rodad e ke mogothgoth; pi gaf ni i kol e ke math’. Pifakdad e go’ karanod; dakriy be’ ni magay ni ku ra n’uf e tent rodad ngalang bayay; dakriy be’ nra tining e kateng ko fapi tent.”

Isaiah 22:4

Chiney e ngan chuw rog nggu par ni go’ gag nggu yornag gubin pi girdi’eg ni go’ karm’ad. Dab muguy rogon ni ngam fal’eg lanin’ug.

Genesis 42:13

Me lungurad, “Gamad ragag nge l’agruw u gubin, ni gamad pifak be’ nib mo’on ko nam nu Kanaan. En ni th’abi bitir e bay rok e chitamangimad, ma reb e ke yim’.”

Genesis 37:35

Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.

Lamentations 5:7

Pi chitamangimad kakrom e ra denen gad, ma yad e kar thumur gad, ma gamad e kug gafgow gad ni fan ko denen rorad.

Genesis 42:36

Me ga’ar e chitamangirad i Jakob ngorad, “Bay mpagedgag ndariy e bitir rog. Ya ke yan Josef; ma ke yan Simeon; ma chiney e gimed be finey ni ngam feked Benjamin rog. I gag e gu ra gafgow!”

Ezekiel 2:10

Me yib i pithig fa gi babyor, mu gguy ni l’agruw raba’ ni ba’ e yol riy; laman e taganan’ e ka ni yoloy ngay, nge dololoy’ nge gel’gel’ u fithik’ e amith.

Psalms 37:36

ma bayay ni gu wan u rom, ma daki moy; mu gu changarnag, ma da gu pir’eg.

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

1 Samuel 7:17

Me sul nga tafen ni bay u Ramah, ngki pithig e oloboch u rom. Me toy ba altar ni fan ngak SOMOL u Ramah.

Joshua 18:25

Ma ku arrogon yu Gibeon, Ramah, Beeroth,

Genesis 5:24

I par Enok ni be fol rok Got, ma aram mada kun guy ni bochan e ke fek Got.

Judges 4:5

Ma yan i par nga tan ba ke gek’iy ni palm ni bay u thilin yu Ramah ngu Bethel ni go’ burey u Efraim, ma girdi’ nu Israel e yad ma yan ngak e ngaram nge yog ngorad e tin ke duwgiliy.

Isaiah 10:29

Ra thumurgad ko fare wo’ ni wa’ich’ich miyad toffan reb e nep’ u Geba. Ma girdi’ nu lan fachi binaw nu Ramah e rrusgad, ma girdi’ nu lan e binaw rok i Saul ni Pilung u Gibeah e ra milgad.