Jeremiah 31:12 - Bible Ni Thothup

¹² Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Jeremiah 31:12 Referans Kwoze

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

Ezekiel 17:23

u daken e re burey nth’abi tolang nu Israel. Ra sum papa’ngin me k’uf ngeb wom’ngin me par nib ke gek’iy ni cedar ni bfel’ ya’an. Gubin mit e arche’ nra toy tafen nga ran’ miyad pir’eg e taglul’ u fithik’ i pa’ngin.

Isaiah 65:19

Me gag e ri bay gu felfelan’ ni bochan yu Jerusalem nge girdi’ rok. Bayi par ndakuriy e meyor u rom, ma dab kun ning e ayuw.

Isaiah 60:20

Pi rran ni i yib e gafgow ngom riy e bayi mus. I Gag SOMOL e bay gu mang tamilang ngom ni dariy n’umngin nap’an, Nib thil ko yal’ nge pul ni l’agruw ni bayi m’ay ram’en.

Revelation 21:4

Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

Roma 2:4

Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Ezekiel 20:40

U rom u lan fare nam, ko fare burey rog nib thothup, ni fare burey nib tolang nu Israel, e gimed gubin e girdi’ nu Israel ni bay um liyorgad ngog. Bayi falan’ug ngomed ma gu be sap ngomed ni ngam feked e maligach romed i yib, ni tin th’abi fel’, nge pi tow’ath romed nib thothup.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Isaiah 1:30

Bay mu mororoygad ni bod ba ke gek’iy ni oak nike yim’, ma bod bangi woldug ndariy be’ ni be tarannag.

Jeremiah 31:4

Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

Jeremiah 3:14

“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.

Jeremiah 31:6

Er rogon, bay ba ngiyal’ ni bayi taw ngay me pong e damit u daken e flang u Efraim ni be lungurad, ‘Mired! Ngdarod nga talang nga Zion, ngak SOMOL ni ir e Got rodad.’”

Jeremiah 31:7

Be ga’ar SOMOL, “Mu tang niged e felfelan’ ni fan ngak yu Israel, ni ir fare nam nib th’abi sorok u fithik’ urngin e pi nam. Mon’ed e tang romed ni gimed be pining e sorok ngak ni nge lungumed, ‘I SOMOL e ke ayuweg e girdi’ rok, ma pi’in ni magay e lagrad nde buch ban’en rorad.’

Jeremiah 31:24

Girdi’ e bay ra pired u Judah ngu lan urngin e pi binaw ni bay riy, ni bay e pi’in be woldug riy, nge pi’in ma gafaliy e saf ni bay yu ran’ i saf ni fakrad.

Jeremiah 31:25

Bay gu pasignag laniyan’ e pi’in ke aw porowrad, ma pi’in kar waer gad ni bochan e bilig e bay gu chum’er nagrad ko ggan.

Jeremiah 32:15

I SOMOL ni Gubin ma Rayag Rok, ni fare Got rok yu Israel, e keyog ni naun, nge flang, nge milay’ ni grape e bay kun chuw’iy bayay u lan e re binaw ney.”

Jeremiah 33:12

I SOMOL ni Gubin ma Rayag Rok e ga’ar, “U lan e re nam ney ni bod daken e ted ni gin ndar par e girdi’ riy fa gamanman, e bayi sul e pan riy nge galunglung ni aram e gin bayi fek e pi tagafaliy e gamanman e saf rorad ngay.

Jeremiah 33:13

Lan e pi yochi binaw u fithik’ e burey, ngu enggin e burey, ngu lan yimuch u Judah, u lan tafen Benjamin, ngu lan e pi binaw nib liyeg yu Jerusalem, nge lan e yochi binaw u Judah, e bay ki the’eg e pi’in tagafaliy e gamanman e saf rorad riy bayay. I Gag SOMOL e kugog e pi thin ney.”

Ezekiel 34:14

Bay gu gagiyeg nagrad ngu’ur ked e pan ko yungi n’en ni bay e pan riy u daken e pi burey ngu lan e pi loway ndabi buch ban’en rorad, ngu urngin yang ni bay e pan riy nib galunglung u lan e nam nu Israel.

Haggai 2:19

Yug aram rogon ni dakriy e grain ni magach, nge yuke grape, nge gek’iy ni fig, nge gek’iy ni pomegranate, nge gek’iy ni olive nike yib wom’ngin, ma chiney i yan ngaram e bay gu fal’eg wa’athmed.”

Isaiah 52:8

Pi’in yad be matanagiy e binaw e yad be tolul, yad be tolulnag e felfelan’ u ta’bang. Ya kar guyed nga owcherad nike sul SOMOL nga Zion!

Ezekiel 36:30

Bay gu gagiyegnag e gek’iy ni yima kay wom’ngin nge yib wom’ngin ni pire’, ma ku er i tay e woldug romed, nge dabki yib e uyongol ngomed ma dabki moning nagmed e pi nam.

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.