Jeremiah 30:21 - Bible Ni Thothup

^21-22 Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Jeremiah 30:21 Referans Kwoze

Numbers 16:5

Ma aram me ga’ar ngak Korah nge pi’in kar manged ngak, “Gabul ni kadbul e bayi dag SOMOL ngodad ko mini’ e en nib milfan ngak; ir e ra pag e cha’an nib milfan ngak ni aram e cha’ nike mel’eg, ni nge yan ngak nga altar.

Ezekiel 37:24

Ba pilung ni bod e tapigpig rog i David e bayi mang pilung rorad. Yad gubin ni bay ra cheaggad nge par ni ta’ab pilung e be gagiyeg nagrad ma bay ur folgad ko pi motochiyel rog nri yad ba yul’yul’ ngay.

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

1 John 2:2

Yu daken Kristus e ir e be n’ag Got fan e denen rodad riy, ni gathi kemus ni denen rodad, ya ku errogon e denen rok urngin e girdi’.

Jeremiah 30:9

Ma bayi mang gag SOMOL, ni Got rorad e bay ur pigpig gad ngog, nge be’ ni owchen David ni ir e bay gu pilungnag.

2 Samuel 7:13

Bayi toy ba tempel ni fan ngog, ma bay gu gagiyegnag nge par e pi’in ni owchen ngu’ur gagiyeggad ndariy n’umngin nap’an.

Deuteronomy 33:5

Me mang SOMOL e pilung rok e girdi’ rok ni er yu Israel ko fa ngiyal’nem ni mu’ulung nga ta’bang e pi ganong rorad nge pi’in yad ma yog e thin rorad.

Deuteronomy 18:18

Bay gu pi’ ngorad ba profet ni bod gur ni bayi sum u fithik’ e tirorad e girdi’; bay gog ngak e thin ni nge weliy ngorad, ma bayi weliy ngorad urngin e tin kugog ni ngar rin’ed.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Matthew 27:37

Miyad tay bangi ban’en ni kan yoloy nga daken e kuruth rok u daken lolugen ngalang ni bay e thin riy ni kanog ni ir e ba togopluw ngak ni ga’ar, “Ireray Jesus, ni fare pilung rok piyu Israel.”

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Matthew 2:2

“Bu uw fare tir ni kan gargeleg ni ir e nge mang pilung rok piyu Israel? Ya kug guyed t’ufan ko ngiyal’ ni m’ug u lan e ngek, me ere kugbad ni nggu siro’gad ngak.”

Jeremiah 50:44

“Ni bod ba layon nike yib u fithik’ e gerger u loway u barba’ fare lul’ nu Jordan nga talang ko gin ma kay e gamanman e pan riy, I Gag SOMOL e bay gub nggu k’aring piyu Babylon ngar milgad nib tomgin ngar chuwgad ko fare binaw rorad. Ma aram e fa en gu mel’eg ni nge gagiyeg e bayi gagiyegnag fare nam. Mini’ e rayag ni nge ta’ab rogon ngog? Mini’ e ra math’ magran rok ni nge togopluw ngog? Mini’ e re tagagiyeg nra paluweyeg?

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Genesis 18:27

Miki ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. I gag e kemus ni gub girdi’, dariy mat’awug ni nggog ban’en.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

Luke 24:26

Gathi ri dabisiy ni nge gafgow fare Messiah ko pin’ey nge mu’ me yan ko fla’ab rok?”

Jeremiah 33:15

Ra ngiyal’ i n’em e bay gu mel’eg ba pilung ni reb i owchen David nib mat’aw. Re pilung nem e bay i rin’ e tin ni bfel’ ma bmat’aw u ga’ngin yang fare nam.

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Psalms 89:29

Pi’in owchen e gubin ngiyal’ ni yad e bay ur pilunggad; gagiyeg rok e bayi par ndabi m’ay ni bod lanelang ni bay i par.

Nehemiah 7:2

Gu tay l’agruw i pumo’on ni ngu’ur gagiyeg nigew fare binaw nu Jerusalem: Hanani nib mo’on ni walageg nge Hananiah nib mo’on ni ir e ma gafaliy e salthaw nu lan fare binaw ni kan yororiy ni fan ko mael. Hananiah e be’ nib pagan’uy ngak ma bay madgun Got u wan’.

Ezra 2:2

Pi’in nra uned ngorad e Zerubbabel, Joshua, Nehemiah, Serayah, Reelayah, Mordekai, Bilshan, Mispar, Bigvai, Rehum, nge Baanah. Ba’aray fithingan e yuke girdi’ nu Israel, nge urngin e girdi’ u bakan ngu bakan nra sulod:

Genesis 18:32

Me ga’ar Abraham, “SOMOL, wenig ngom, dab mu puwan’, ya ngkug non ta’ab yay. Ma fa’anra kemus ni ragag e ga ra pir’eg?” Me ga’ar, “Fa’anra bay ragag ma dab gu kirebnag.”

Genesis 18:30

Me ga’ar Abraham, “SOMOL, wenig ngom, dab mu puwan’, ya ngkug non bayay. Ma fa’anra kemus ni guyey?” Me ga’ar, “Dab gu kirebnag ni fa’anra gu pir’eg guyey.”

Numbers 16:40

Re upong n’ey e ngi i puguran ngak piyu Israel ni yug be’ ni gathi reb i owchen Aron e dabiyag ni nge yib ko fare altar nge urufiy riy fapi incense ni yima pi’ ngak SOMOL. Mra rin’ be’ ma yira thang e pogofan rok ni bod Korah nge pi’in yad ngabang. Urngin e pin’ey nrin’ ni bod rogon ni yog SOMOL ngak Moses ni nge rin’ Eleazar.

Exodus 3:5

Me ga’ar Got ngak, “Dab kum chugur i yib. Mu chuweg e sus u em, ya gab sak’iy u daken e but’ nib thothup.

Deuteronomy 17:15

Dabisiy nre mo’on ni ngam mel’egned ni nge mang pilung e ir e cha nike mel’eg SOMOL. Dab mu ted ba milekag ni nge mang pilung romed; dabisiy ni kabigmed.

Psalms 65:4

Ba felan’ e pi’in ni kam mel’egrad, ni kam fekrad ni ngar pired u lan e naun rom nib thothup! Bayi gaman u wun’mad e pin’en ni bfel’ ni bay ko naun rom, ni aram fare Tempel rom nib thothup!

Hosea 1:11

Piyu Judah nge piyu Israel e bay ku ra pethgad ngar ta’rebgad bayay. Ma bay ra duwgiliyed ta’abe’ nge par ni pilung rorad, ma bay ra yo’orgad bayay me fel’ rogorad. Aram rogon e re rran ni ba’aram ni rran rok Jezreel.