Jeremiah 30:17 - Bible Ni Thothup

¹⁷ Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”

Jeremiah 30:17 Referans Kwoze

Psalms 107:20

I non miyad gol, me lagrad ko riya’.

Jeremiah 33:6

Machane bay gu golnag e re binaw ney nge girdi’ riy mu gu chuweg e m’ar rorad. Bay gu pi’ e gapas ngorad nge yan i mus nga rogon ma dabi buch ban’en rorad.

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

Psalms 103:3

Ma n’ag fan u wan’ urngin e denen rog mma faseg urngin e liliy nike yib ngog;

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Psalms 23:3

Ma fulweg gelngig ngog. Ma pow’iyeg ko bin nib mat’aw e kanawo’, ni bod rogon ni yog ni bay i rin’.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Jeremiah 30:13

Dariy be’ nra taliliy nagmed, dariy falyen e pi malad romed, ke math liben e gol u puluwonmed.

Jeremiah 8:22

Gur dariy ba falay u Gilead? Gur dariy reb e togta’ u rom? Mangfan ni girdi’ rog e dakir gol?

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Isaiah 11:12

I Somol e bay i n’uf bang i flak ngalang ni nge dag ko pi nam ni be kunkunuy bayay nga ta’bang fapi girdi’ nu Israel ngu Judah nra werwergad ko fa aningeg i tabthung ko fayleng.

Jeremiah 33:24

“Kam guy rogon ni be yog e girdi’ ni ku gu fek rok yu Israel ngu Judah, ni fa gal tabinaw ni gu mel’eg row? Ma aram miyow sap nga but’ ko girdi’ rog ni dakurir leam ni gew ni yow reb e nam.

Ezekiel 35:12

Ma aram e bay mu nang ni Gag SOMOL e gu rung’ag fiti lungum, ni mog ni burey nu Israel e darkiy ban’en riy ma bmil fan ngom ni ngam ful’.

Ezekiel 36:20

Demuturug e yungin ni yad be yan riy, ma yad be girengiy e m’ayfan nga daken fithingag nib thothup, ni bochan e rayag ni yog e girdi’ ni ga’ar, ‘Pichaney e girdi’ rok SOMOL, machane dabisiy ni ngar chuwgad ko nam rok.’

Lamentations 2:15

Girdi’ ni yad be yan u to’bem e yad be changar ngom nga but’; Ni yad be chichingeg lolugrad miyad be minmin ko mogothgoth ni keta’ yu Jerusalem: “Irera’ fare binaw ni bfel’usun, ma uf uf rok e fayleng?”

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Isaiah 33:24

Dariy be’ ni be par u lan e nam rodad ni bayki yog nib m’ar, ma denen e kem’ay i n’ag fan ni urngin.

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Isaiah 58:8

“Mi gimed fel’ u wan’ug ni bod ram’en e yal’ ni gal nga dakenmed ni kadbul, me papey nge fos e yungi n’en nike maad’ad u dowmed. Ma aram e gubin ngiyal’ ni bay ug par romed ngu’ug ayuwegmed; i gag ni gu bay romed e bay gu mang yoror ngomed.

Isaiah 60:15

“Ma gathi bay kum par ni kan n’agem ma yibe fanenikayem, Nib binaw ni kan n’ag ma dakuriy e girdi’ riy. Bay gu gagiyeg nigem nge gilbuguwam me fel’ ya’am, Nib binaw ni bay un felfelan’ riy ndariy n’umngin nap’an.

Jeremiah 17:14

SOMOL, mu gol nigeg ngarug gol; ma ga lageg nggu par ni dabi buch ban’en rog. Ri gur e gu ma pining e sorok ngom!

Hosea 11:3

Ni yug aram rogon ni gag e gu fil rogon e yan ngak Israel. I gag e ug dibeyrad e girdi’ rog, machane dar leam niged ni gag e gu chothowliyrad.

BABYOR NI JOB 5:18

Got e ma m’ag e mad ko gin ni ir e ke maad’ad ngay; pa’ e ma amith nigey ngay, ma ku pa’ e ma gol nigey ngay.

Isaiah 54:6

Israel, ga bod ba rugod nike mabgol, ma kari kireban’ ya ke cheal figirngin ke n’ag. Machane SOMOL e ke piningem ni ngam sul ngak ma be ga’ar:

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Jeremiah 10:20

Pi tent rodad e ke mogothgoth; pi gaf ni i kol e ke math’. Pifakdad e go’ karanod; dakriy be’ ni magay ni ku ra n’uf e tent rodad ngalang bayay; dakriy be’ nra tining e kateng ko fapi tent.”