Jeremiah 30:15 - Bible Ni Thothup

¹⁵ Mu talgad ko gun’gun’ u murung’agen e maad’ad romed; ya dab mu golgad. Kug gechig nagmed ni ara’rogon ni bochan e bpire’ e denen romed ma ba ga’ e kireb romed.

Jeremiah 30:15 Referans Kwoze

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

Jeremiah 30:12

I SOMOL e be ga’ar ko girdi’ rok, “Ma’ad’ad romed e dabi gol, ma dabi fos.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Mikah 1:9

Ya maad’ad nike tay yu Samaria e dabkiyag ni nge fos. Yu Judah e aram e nge yib e mit i maad’ad nem ngorad; ma mogothgoth e ke taw ko pi garog nu Jerusalem, ni aram e gin be par e girdi’ rog riy.”

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Lamentations 3:39

Mangfan nap’an ni yira gechig nagdad ni bochan e denen rodad ma gadad gun’gun’?

Lamentations 1:5

Pi to’ogor rok e ke gel ngak; kar michgiyed nga gelingrad. I SOMOL e ke gagiyegnag ke gafgow ni fan urngin e denen rok nib pire’; Pifak e ka ni kolrad ka ni fekrad ngabang.

Jeremiah 46:11

Gimed e girdi’ nu Egypt, marod nga Gilead ngam gayed e falay! Gubin e falay romed ni keyib i m’ug ni dariy angin; dariy ban’en nrayag ni nge gol nagem.

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”

Jeremiah 15:18

Mangfan ni ngu’ug par ngu’ug gafgow? Mangfan ndabi gol e maad’ad u dowag? Mangfan nder fos? Mog, ka mu leamnag ni ngam t’ar lanin’ug ni bod rogon ba lul’ ni mlik’ ko ngiyal’ nike taw nga nap’an e gowel?”

Jeremiah 11:13

Girdi’ nu Judah e ta’reb feni yo’or e got rorad ko binaw rorad, ma girdi’en yu Jerusalem e ka ra suwegged e altar nib bo’or ni fan ko maligach ko fare got ni Baal nib sunsonogor ni ta’reb urngin ko yupa’ i kanawo nu lan fare binaw.

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Isaiah 5:2

I gi’ e but’ riy nge chuweg e malang u fithik’; me yung e tin th’abi fel’ e woldug ni grape ngay. Me toy ba tafen e damit riy ni fan e ngu’un matanagiy, me ker ba low ni aram tagil’ wom’ngin e grape rok ni ngu’un udiy riy. I sonnag wom’ngin e grape ni nge lol, machane gubin fapi grape ma ba mugnin.

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

BABYOR NI JOB 34:6

Be fith ni be ga’ar, “Uw rogon ni nggu ban nggog ni gu ba kireb? Rib ubchiya’ e maad’ad rog, machane dariy bangbangen e denen rog.”

Ezra 9:13

Machane nga tomuren urngin e n’en ke buch romad ni gechig ko denen nge kireb romad, ma gamad manang ni gur, ni Got romad, e ka mu gechig nagmad nib waer mirin nga rogon ni susuna nge aw ngomad, ma ka mu taymad ni kagmad bfos.

Psalms 107:17

Boch i yad e i m’ar ni bochan e denen ni ur ngongliyed, mu’ur gafgowgad ni bochan e kireb rorad;

Jeremiah 30:16

Machane chiney, e gubin e pi’in ra ful’ed gimed e bay ni ful’rad, ma gubin e pi to’ogor romed e bay ni fekrad nga orel ni yad e kalbus. Gubin e pi’in nu ur gafgow naged gimed e bay ni gafgow nagrad, ma gubin e pi’in ur giliw niged gimed e bay kun yodrom nagrad.

Isaiah 1:6

Lolugmed nge mada’ ko rifrif u aymed e dariy bang riy ni kabfel’. Yungin ke bech u dowmed, nge malad, nge maad’ad e kayigi fanay dowmed ni polo’. Yungin ke maad’ad u dowmed e dawor ni klinnag ara ni m’ag e mad ngay. Dawor ntay e flay ngay.

Lamentations 2:13

Ah Jerusalem, gur nri gab t’uf, mang e ku rayag ni nggog? Urogon ni nggu faleg’ lanin’um? Dariy be’ ni ka’ayib ba gafgow ngak ni bod e biney. Ya gafgow rom e ba to’ar ni bod lan e regur; ke math e liyab ngom.

Nahum 3:19

Dariy falayin e pi maad’ad rom, ma pi maad’ad rom e dabi fos. Gubin e pi’in yad ra rung’ag murung’agen e gafgow ni kam tay mar waywaygad ko fel’felan’. I mini’ e yag rok ni thay u tan pa’am ni dariy tungun e kireb ni um rin’ ngak?