Jeremiah 30:11 - Bible Ni Thothup

¹¹ Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Jeremiah 30:11 Referans Kwoze

Jeremiah 10:24

SOMOL, mu t’ar e girdi’ rom, machane dab yugu mu almarin ngomad fa mu gechig nagmad u nap’an ni ga ba damumuw; ya ra math owchamad.

Jeremiah 4:27

Keyog SOMOL ni ga’ngin e fayleng ni bayi par ndakriy e wulgo’ riy, machane dabi kirebnag e fayleng ni ga’ngin.)

Jeremiah 1:8

Dab mu tamdag ngorad, ya bay ug un ngom ngu’ug yoror rom. I Gag SOMOL e kugog e pi thin ney!”

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

2 Timothy 4:22

I Somol e ngi i par u lanin’um. I Got e ngi i ayuwegmed ni gimed gubin.

Acts 18:10

ya gu be un ngom. Dariy be’ nrayag rok ni nge rin’ ban’en ngom, ya bo’or e girdi’ u lan e re binaw ney ni yad e tirog e girdi’.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Jeremiah 15:20

Bay gu gagiyeg nigem ngam par u puluwrad ni ga bod bangi rungrung nib el nni ngongliy ko wasey ni bronze. Bay ur bad ra chamgad ngom, ma dabiyag ni ngar gelgad ngom. Bay gu un ngom ngu’ug yoror rom ngam par ndabi buch ban’en rom.

Jeremiah 5:18

I SOMOL e ga’ar, “Machane mus ko tinem e rran ma dab gu thang owchen e girdi’ rog ni gubin.

Jeremiah 5:10

Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.

Psalms 6:1

SOMOL, dab mu puwan’ ngog ni ga ba damumuw, ma dab mu gechig nigeg u fithik’ e damumuw.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Ezekiel 11:13

Kangiyal’ i n’em ni gu be yi’iy, me thig Pelatiah nga but’ nike yim’. Mug paraw nga but’ nggu an owcheg nga daken e but’ nggu tolul ni lingug, “ SOMOL ni Th’abi Tolang, danga’! Mog ngam li’ urngin e girdi’ nike magach u Israel?”

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Levitikus 26:44

Yug aram rogon, nnap’an nra ka yad bay u lan e nam rok e pi to’ogor rorad, ma dab gu n’agrad ara gu thang owcherad. Ya gu ra rin’ ma aram e kemus u rom fare m’ag ni gu fal’eg u thilmad, me Gag SOMOL ni Got rorad.

Deuteronomy 4:31

I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Ezekiel 6:8

“Bay gu pag bochiyad ngar thaygad ko riya’ miyad wear ko pi nam i yan,

Hosea 11:9

Dab gu gechig nigem u fithik’ e damumuw rog; dab kug kirebnag Israel bayay. Ya Gag Got, ma gathi gag e girdi’. I Gag fa En nib Thothup e gu bay rom. Dab gub ngom u fithik’ e damumuw.

Exodus 34:7

Tin gu ma micheg e gu ma tay u gil’ ni bokum 1000 e mfen, ma gu ma n’ag fan u wan’ug e kireb nge denen rok e girdi’; machane dab gu pag ni dab ggechignag pifakay nge pifak pifakay nge mada’ ko bin dalip nge aningeg e mfen, ni bochan e denen nike ngongliy pi chitamangirad.”