Jeremiah 3:19 - Bible Ni Thothup

¹⁹ Be ga’ar SOMOL, “Israel, gu ba’adag ni nggu tem u lanin’ug ni fakag gur mu gu pi’ e binaw ngom nib manigil, ni aram e gin th’abi fel’ ya’an u ga’ngin yang u fayleng. Gu ba’adag ni ngam pining e matam ngog ma dab ku mu pi’ keru’um ngog bi’id.

Jeremiah 3:19 Referans Kwoze

Jeremiah 3:4

“Ma chiney ma ga be ga’ar ngog, ‘I gur e chitamag gur, ni ug moy ni gub t’uf rom ni kanpan e kugub bitir.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Hebrews 10:39

Gathi gadad e pi’in ni kar pi’ed keru’rad ngak Got kar maloggad; ya gadad e ke michan’dad ngak Kristus kad thapgad ngak Got.

Efesus 1:5

ma aram fan ni turguy Got nu daken Jesus Kristus e nge fulwegdad riy ngak ni kad manged pifak — ireray e tin ni ba’adag nge tin ni leamnag.

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Daniel 11:45

Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”

Daniel 11:41

Ma ku ra kol fare nam ni micheg Got ko girdi’ rok ni ngar tafned nge thang e pogofan rok yu ragag i biyu’ girdi’en. Machane girdi’ ko pi binaw nu Edom, Moab, nge tin ni magach u Ammon e go’ bay ra thaygad ni dabni kolrad.

Daniel 11:16

En nike m’ag e mael ngorad e bayi guy e tin ngi i rin’ ngorad, ndakuriy be’ nra togopluw ngak. Ma bay yib i sak’iy ngalan fare nam, ni micheg Got ko girdi’ rok ni taferad, me par nike milfan nga tan pa’.

Daniel 8:9

Me yib buchi reb e gagey u reb fa aningeg i gagey. Me taw gelngin ko yimuch nge mada’ ngalan e ngek, nge taw ko fare nam ni micheg Got nra pi’ ko girdi’ rok.

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Jeremiah 12:10

Ba yo’or e tayugang’ nu bang ni ka ra kireb niged e woldug rog ni grape; ka ra yotyoted nga but’ e yung i milay’ rog; yung i flang rog nib manigil e ka ra ted ni gawa bang i ted ni der tugul ban’en riy.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Proverbs 3:35

Girdi’ nib gonop e bfel’ bugwarad, machane girdi’ nib pinat e ra mun daken e ma’fan ni yad bmata’.

Psalms 106:24

Ma aram mar dabuyed fare nam nib manigil, ni bochan e de mich u wun’rad e n’en ni micheg Got.

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.

Psalms 16:6

Pi tow’ath rom ngog e rib fel’; rib manigil ni gubin!

Psalms 89:26

Bayi ga’ar ngog, ‘I gur e chitamag nge Got rog; gur e yoror nge ta’ayuw rog.’

Jeremiah 3:17

Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Deuteronomy 14:1

“Gimed e girdi’ rok SOMOL ni ir e Got romed. Ngiyal’ ni gimed ra mowawnag ba yam’, ma dab ku mu raseyed dowmed fa mu puyed piyan lolugmed u m’on, ni bod nma rin’ boch e girdi’.