Jeremiah 29:19 - Bible Ni Thothup

¹⁹ Ra buch e biney rorad ni bochan e dar folgad ko fare thin ni gu pi’ ngorad u daken e pi tapigpig rog ni profet. Ur siyegned ni ngar motoyilgad.

Jeremiah 29:19 Referans Kwoze

Jeremiah 6:19

Fayleng, mmotoyil! Ku gu fek e mogothgoth i yib ngak e pi girdi’ ney, ni mogothgoth ni bay rogon ni ngan pi’ ngorad; ya dar folgad ko thin rog, ma ka ra pi’ed keru’rad ko tin ni ug machibnag ngorad.

Jeremiah 26:5

Thingar mu folgad ko thin rok e pi tapigpig rog, ni pi profet ni gu be pi’rad yad be yib ngomed. Ya ri dawor mu folgad ko tin ka rogned.

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

Jeremiah 34:17

Ere chiney, I Gag SOMOL e gu be yog ni damur folgad rog; dawor mu pi’ed e pufrogon nga Israel ni polo’. Ere kefel’, bay gu pi’ e pufrogon ngomed: nge pufrogmed ngam m’ad, u fithik’ e mael, ko liliy, nge uyngol. Bay gu pag gubin e nam nu fayleng ngar da’da’gad ni marus ko pin’en ni bay gu rin’ ngomed.

Jeremiah 32:33

Ka ra pi’ed keru’rad ngog; yug aram rogon ni da gu tal i machib nagrad, dariy e ngar motoyilgad ngar nanged.

Jeremiah 7:13

Urngin fapi denen ni kug weliy ma go’ ka mu rin’ed. Yugu aram rogon ni ku gu non ngomed bayay nge bayay, ma dabumed ni ngam motoyilgad, ma ra gu piningmed ma damur fulweged lungug.

Jeremiah 25:8

“Ere, bochan e damur telmed ngak, ma aram e be ga’ar SOMOL ni Gubin ma Rayag Rok,

Jeremiah 44:3

ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.