Jeremiah 29:18 - Bible Ni Thothup

¹⁸ Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Jeremiah 29:18 Referans Kwoze

Jeremiah 42:18

“SOMOL ni Got nu Israel e be ga’ar, ‘Ri bod rogon ni map’ e damumuw rog nib gel nga daken e girdi’ nu Jerusalem, e ku aram rogon ni yira pu’og nga dakenmed ni fa’an gimed ra yan nga Egypt. Bayi tamdag ya’amed; girdi’ e bay ur moning niged gimed ma bay ra ted fithingimed ni kemang ba yaba’. Ma dakriy bi’id ni kigimed ra guy e re gin’ey bayay.’”

Jeremiah 15:4

Ma bay gu gagiyegnag urngin girdi’en e pi nam nu fayleng ngar rus gad ko tin ke yib ngak piyu Judah, ni bochan e tin ni rin’ Manasseh u lan yu Jerusalem, ni be’ nib mo’on ni fak Hezekiah u nap’an ni Manasseh e pilung nu Judah.”

2 Kronicles 29:8

Bochan e ren’ey ma ka be par SOMOL nib damumuw ngak yu Judah nge yu Jerusalem, ma n’en nike rin’ ngorad e ke gin ma ke tamdag gubin e girdi’ ngay. Gimed manang e ren’ey nrib fel’ rogon.

Jeremiah 34:17

Ere chiney, I Gag SOMOL e gu be yog ni damur folgad rog; dawor mu pi’ed e pufrogon nga Israel ni polo’. Ere kefel’, bay gu pi’ e pufrogon ngomed: nge pufrogmed ngam m’ad, u fithik’ e mael, ko liliy, nge uyngol. Bay gu pag gubin e nam nu fayleng ngar da’da’gad ni marus ko pin’en ni bay gu rin’ ngomed.

Jeremiah 24:9

Bay gu girengiy ba riya’ nga dakenrad ni urngin e nam nu fayleng e bay rrusgad ngay. Girdi’ e bay i gosgos ngorad, ma yibe moning nagrad, ma fithinganrad e bayi mang ba yaba’ u gubin yang ni ku gu weregrad riy.

Deuteronomy 28:25

“Bayi pag SOMOL e to’ogor romed ngar gelgad ngomed ko mael. Bay mmarod ko mael u ta’bang, machane gimed ra cheal u luwmed ngam milgad ni yug ra bigimed ma gin nra mil ngay. Ma gubin e girdi’ u daken e fayleng ma yad ra yim’ ko marus u nap’an ni yad ra guy e tin ke buch romed.

Ezekiel 12:15

“Nap’an ni gu ra weregrad u daken boch e nam nge lan boch e binaw ni gathi binaw rorad, ma bay ra nanged ni Gag SOMOL.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Zekariah 7:14

Bod bang i yiko’ ni aw, gu tharbograd ngranod ra pired nga yug boch e nam. Re but’ ney ni bfel’ e ni pag ni dakuriy ban’en riy, ma dakuriy be’ ni par riy.”

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Ezekiel 36:19

Kug gechig nagrad ni bochan rogon ni yad be par nge ngongol rorad nib kireb, ma kug werweregrad u daken e pi nam ni gathi nam rorad.

Ezekiel 22:15

Bay gu wereg e girdi’ romed u gubin e binaw nge nam ma bay gu museg ngongolmed ni kireb.

Ezekiel 6:8

“Bay gu pag bochiyad ngar thaygad ko riya’ miyad wear ko pi nam i yan,

Jeremiah 29:22

Nap’an fapi girdi’ nni fekrad ni yad ba kalbus u Jerusalem nga Babylon, e fa’an bayi ba’adag bagyad ni nge buch wa’athan be’, ma yad ma ga’ar, ‘Mang e yigi gagiyeg nigem SOMOL ni bod rogon Zedekiah nge Ahab, ni urfiy row e pilung nu Babylon ko nifiy ni ka yow bfos.’

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

Jeremiah 19:8

Bay gu girngiy ba riya’ nib ga’ nga daken e re binaw ney ni urngin e girdi’ ni yad ra yan u to’oben ma yad ra da’da’ miyad gin ko n’en ke rin’.

Psalms 44:11

Kam pagmad ni ngan li’mad ni bod e saf; kam weregmad ko pi nam i yan.

Deuteronomy 28:64

“Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Numbers 5:27

Ma nap’an nra unum fapi ran ma fa’anra kar pirew be’ ni gathi figirngin, ma fare ran e ra k’aring e amith ngak nib gel; me simaw me kireb tafen e bitir u yin. Me par fithingan nike mang ba yaba’ u fithik’ pi girdi’en.

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.

Jeremiah 27:8

“Machane fa’ara bay reb e nam ara reb e lungun dabi fol ko motochiyel rok, ma aram e bay gu gechignag e ra nam nem ko mael, nge uyngol nge liliy nge taw ko ngilan’ ni nggu pag Nebukadnezzar nge thirif u but’.

Jeremiah 29:17

I SOMOL ni Gubin ma Rayag Rok e be ga’ar, ‘Nggu fek e mael i yib, nge uyngol, nge liliy nga dakenrad, ma bay gu bod nagrad e fig nike malad ndaki fel’ ni ngan kay.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Ezekiel 23:46

Irera’ e n’en ni be yog SOMOL ni Th’abi Tolang ni be ga’ar, “Mu kunuy e girdi’ ni yo’or ngan gafgow nagrow ko marus min fek gubin ban’en rorow.

Mikah 6:16

Bayi buch e pin’ey ya kam folwokgad ko kireb ni i ngongliy Omri ni Pilung nge fare pumo’on ni fak, i Ahab ni Pilung. Ya kam pired ni gimed be folwok ko tin ur rin’ew, ere bay gu kireb nagmed me dabuy gubin e girdi’ dakanmed.”

Jeremiah 18:16

Ka ra ted e re nam ney nike tamdag ya’an, ni nge chuwan’iy riy ndariy n’umngin nap’an. Urngin e girdi’ ni bay ranod u to’oben e bay ra gin gad ko n’en ni yad nra guy, bay ur chichingeged lolugenrad nike balyangan’rad.

Jeremiah 24:10

Bay gu fek e mael i yib ngorad, uyngol, nge liliy nge taw ngilan’ ndakriy bagyad u daken fare binaw ni gu pi’ ngorad nge pi chitamangirad ni kakrom.”

Ezekiel 5:15

“Nap’an ni gu ra damumuw nib gel nggu gechig nagem, ma urngin e nam u to’bem i yan e yad ra rus. Bay ra sapgad ngom ni ka ra sonogorgad ngu’ur gosgos niged gur.

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”