Jeremiah 29:17 - Bible Ni Thothup

¹⁷ I SOMOL ni Gubin ma Rayag Rok e be ga’ar, ‘Nggu fek e mael i yib, nge uyngol, nge liliy nga dakenrad, ma bay gu bod nagrad e fig nike malad ndaki fel’ ni ngan kay.

Jeremiah 29:17 Referans Kwoze

Jeremiah 29:18

Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Luke 21:23

Rib gel e gafgow nra tay e pi’in nib diyen, nge pi’in ni ppin ni kabran fakrad e ngiyal’nem! Ma ba gel e gafgow ni bay yib nga daken e re nam ney, ma damumuw rok Got e bayi togopluw ngak e pi girdi’ ney.

Luke 21:11

ma gubin yang ni bay i yib e durru’ nib gel riy, nge uyongol, nge liliy nib machreg nma af ko girdi’ i yan, ma bayi m’ug bogi ban’en u lanelang nib gel e marus ni bay nta’ riy nge bogi pow ni ba ga’.

Jeremiah 52:6

Rofen ni gaman e mereb ngay ko pul ni aningeg ko re duw i n’em, me gel e uyongol u lan fare binaw ndakuriy ban’en ni nge kay e girdi’,

Jeremiah 43:11

Bayib Nebukadnezzar nge gel ngak yu Egypt. Girdi’ ni kan bucheg wa’athan ni ngarmad’ ko liliy e ireram e n’en ni yad ra yim’ riy, pi’in ni kan turguy ni ngan fekrad nga bang ni kalbus e yira fekrad, ma pi’in ni kan turguy ni ngarmad’ u fithik’ e mael e yira li’rad u fithik’ e mael.

Jeremiah 27:8

“Machane fa’ara bay reb e nam ara reb e lungun dabi fol ko motochiyel rok, ma aram e bay gu gechignag e ra nam nem ko mael, nge uyngol nge liliy nge taw ko ngilan’ ni nggu pag Nebukadnezzar nge thirif u but’.

Revelation 6:8

Mu gu sap, mu gguy ba os nib ol ram’en dow. Ma en ni bay u daken e kan tunguy fithingan ni Yam’, ma be lay Hades u tomur rok nib chugur ngak, ni yow e kan tayrow ni ngrognew e thin u ta’ab guruy ko aningeg guruy e fayleng, ni ngar li’ew e girdi’ riy ko saydon, nge uyongol, nge liliy, nge gamanman ni malboch ni bay u fayleng.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.