Jeremiah 28:16 - Bible Ni Thothup

¹⁶ Are SOMOL e keyog ni bayi tharbegem. U m’on ni nge chuw e biney e duw ma gur e bay mum’ ni bochan e kamog ko girdi’ ni ngar togopluwgad ngak SOMOL.”

Jeremiah 28:16 Referans Kwoze

Genesis 7:4

Ya ka medlip e rran mu gu pi’ e n’uw nge yib nga daken e fayleng ni bayi par ni nge aw ni aningeg i ragag e rran nge nep’, ni fan e nge thang mit urngin e pin’en nib fos ni kug sunumeg.”

Jeremiah 20:6

Mi gur, Pashur, nge gubin e girdi’ ko tabinaw rom e bay ni kolmed ngan fekmed nga Babylon. Bay mum’ nga ni k’eygem u rom, ma ku er rogon urngin e pi tafager rom ni yad e kamog ngorad fapi thin nde riyul’.’”

1 Kings 13:34

Re denen rok ney ni rin’ e ir e girengiy e kireb nga daken e tabaw rok, nge chuw ko gagiyeg me math mit u roy u fayleng.

Deuteronomy 6:15

Ya fa’an gimed ra rin’, ma damumuw rok SOMOL e ra yib ngomed ni bod ba daramram nib gel nge thirifmed u but’, ya SOMOL ni Got romed, ni ir e bay romed e dabiyag ni nge k’adan’ ni fa’an gimed ra togopluwnag reb e got ngak.

Exodus 32:12

Mang ni ngam pag piyu Egypt nge yag ni lungurad, ‘I waliy e girdi’ rok nga wuru’ yu Egypt ya ke leamnag ni nge li’rad u fithik’ e burey nge math owcharad ni yad gubin’? Mu pag e damumuw rom nib gel ngam thiliyeg lanin’um, ngam pag ndab mfek e binir e riya’ i yib ngak e girdi’ rom.

Amos 9:8

I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.

Jeremiah 28:3

U lan l’agruw e duw e bay gu fulweg ngaray urngin e machaf ko Tempel ni fek Nebukadnezzar ni Pilung nga Babylon.

Numbers 29:32

Ma bin ni medlip e rran e ngan pi’ medlip e garbaw ni pumo’on ni kab bitir, l’agruw e saf nib pumo’on, nge ragag nge aningeg pifak e saf ni ta’reb e duw yangarrad, ni dariy bang u dowrad nib kireb.

Numbers 14:37

Fapi pumo’on nrogned murung’agen fare nam nde fel’, e aw e gechig ngorad ngar m’ad u p’eowchen SOMOL.

Jeremiah 28:17

Ma aram me yim’ Hananiah u lan e bin medlip e pul ko re duw nem.

Amos 7:17

Amaziah, bochan e re bugithin nir ni kamog, me ere be ga’ar SOMOL ngom, ‘Le’engim e bay i pi’ ir nchuway’ u lan binaw, ma pifakam e bay nli’rad u fithik’ e mael. Ma binaw rom e bay ni th’eth’ab u but’ nga ni pi’ ngak yugu boch e girdi’, me gur e bay mum’ u daken e nam rok e pi’in ndar nanged Got. Ma girdi’ nu Israel e rib mich ni bay nchuwegrad ko nam rorad ngan kalbus nagrad.’”