Jeremiah 27:8 - Bible Ni Thothup

⁸ “Machane fa’ara bay reb e nam ara reb e lungun dabi fol ko motochiyel rok, ma aram e bay gu gechignag e ra nam nem ko mael, nge uyngol nge liliy nge taw ko ngilan’ ni nggu pag Nebukadnezzar nge thirif u but’.

Jeremiah 27:8 Referans Kwoze

Ezekiel 14:21

Irera’ e n’en ni be yog SOMOL ni Th’abi Tolang: “Bay gu pi’ aningeg e gechig ni th’abi gel nga daken yu Jerusalem — ni aram e mael, uyngol, gamanman ntacham, nge liliy ni nge thang mit e girdi’ nge gamanman ni ta’reb rogon.

Jeremiah 24:10

Bay gu fek e mael i yib ngorad, uyngol, nge liliy nge taw ngilan’ ndakriy bagyad u daken fare binaw ni gu pi’ ngorad nge pi chitamangirad ni kakrom.”

Jeremiah 40:9

Me ga’ar Gedaliah ngorad, “Nggu micheg ngomed ni dab mu rus gad ni ngam pired nga tan pa’ yu Babylon. Mi gimed par u lan e re nam ney ngu’um pigpig gad rok fare pilung nu Babylon, bay mu pired ni gubin ban’en ni bfel’ u puluwomed.

Jeremiah 27:11

Machane fa’anra reb e nam ni pag ir nga tan pa’ fare pilung nu Babylon ngi i pigpig ngak, ma aram e bay gu pag ngi i par ko nam rok, ngi i milay’ riy ma be par riy. I Gag SOMOL e gu be non.”

Jeremiah 27:13

Mangfan ni gur nge girdi’ rom e ra yim’ ko mael ara uyngol, ar liliy? Aram e ren’en nike yog SOMOL nra buch rok e re nam ni de pag ir nga tan pa’ fare pilung nu Babylon.

Jeremiah 28:4

Bay ku gu fulweg e pilung nu Judah, i Jehoyakin nib mo’on ni fak Jehoyakim, nib mu’un urngin e girdi’ nu Judah ngay nfekrad nga Babylon. Rriyul, ni gag e bay gu kirebnag gelngin e pilung nu Babylon. I Gag SOMOL e gu be non.”

Jeremiah 28:14

I SOMOL ni Gubin ma Rayag Rok, ni Got nu Israel e be yog ni bayi tay e mat’ ni wasay nga daken e pi nam ney ni bay ur pigpig gad ngak Nebukadnezzar ni Pilung nu Babylon. Ma SOMOL e keyog ni mus ko gamanman ni malboch mra gagiyegnag ngi i pigpig ngak Nebukadnezzar.”

Jeremiah 29:17

I SOMOL ni Gubin ma Rayag Rok e be ga’ar, ‘Nggu fek e mael i yib, nge uyngol, nge liliy nga dakenrad, ma bay gu bod nagrad e fig nike malad ndaki fel’ ni ngan kay.

Jeremiah 29:18

Bay gu pi’ e mael, nge uyngol, nge liliy nge yib ngorad, ma gubin e nam nu fayleng ni bay ra tamdaggad ko tin kar guyed. Urngin yang ni nggu weregrad ngay, e bayi gin me rus e girdi’ riy ko tin ke buch rorad. Girdi’ e bay i moning nagrad ma fithingrad e bayi mang ba yaba’.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.