Jeremiah 26:21 - Bible Ni Thothup

²¹ Jehoyakim ni Pilung nge pi salthaw rok nge pi tolang ni bay u tan pa’ e rrung’aged e tin ni yog Uriah, me guy e en ni pilung rogon ni ngan thang e pogofan rok. Machane me rung’ag Uriah; me mil nike rus, nge yan nga Egypt.

Jeremiah 26:21 Referans Kwoze

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Matthew 14:5

Me finey Herod ni nge li’ John ngem’, machane be tamdag ngak e girdi’ nu Israel, ya kar ted ni John e reb e profet.

Jeremiah 36:26

Ma aram me l’oeg I Jerahmeel nib mo’on ni fak nge Serayah nib mo’on ni fak Azriel nge Shelemiah nib mo’on ni fak Abdeel, ni ngar koled gag nge tayol rog i Baruk. Machane SOMOL e ke mithag mow.

2 Kronicles 16:10

Ran’ey e ri damumuw Asa riy ngak fare profet me yog ni ngan m’ag e chen ngak. Ma irera’ e ngiyal’ ni tabab Asa i gafgownag boch e girdi’.

Mark 6:19

Me aw John nga laniyan’ Herodias, me finey Herodias ni nge guy rogon ngan li’ John ngem’, ma dabiyag ni nge rin’ ni bochan Herod.

Matthew 10:39

Ya en nra guy rogon ni nge ayuweg e pogofan rok e ra thay rok; ma en nra pagfan e pogofan rok ni bochag e aram e ke ayuweg.

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Proverbs 29:25

Ra um leamnag ko mang e be tafneynag yug boch e girdi’ ngom, ma bay riy’en, ma fa’anra pagan’um ngak SOMOL, ma dabi buch ban’en rom.

Psalms 119:109

Ya gubin ngiyal’ ni kug fal’eg rogog kug kol e pogofan rog nga pa’ag; ma motochiyel rom e dawor gu pag talin.

2 Kronicles 24:21

Me un Joash ni Pilung ngab makath nib togopluw ngak Zekariah, me malangnag e girdi’ i Zekariah u lan fare yoror ko Tempel ni bochan e keyog e en pilung ni ngan rin’.

Jeremiah 26:10

Fa’ani rung’ag e pi’in yad ma yog e thin u Judah e n’en ni kan rin’, miyad yan u tafen e en ni pilung ngranod ra pired nga tagil’rad u langan e garog ko Tempel ni Garog ni Be’ech fithingan.

Jeremiah 38:4

Me ga’ar e pi tolang ni yad bay u tan pa’ e en ni pilung ngak fare pilung, “Re mo’on ney e thingar nli’ ngem’. Ya ra i non ni aray rogon ma aram e be waernag e leam ko salthaw nu lan e re binaw ney, ma ku aray e n’en be rin’ ngak urngin e girdi’ nike magey u lan binaw. Re mo’on ney e gathi be guy rogon ni nge ayuweg e girdi’; kemus ni ba’adag ni nge gafgow nagrad.”

1 Kings 18:10

Gu be micheg u p’eowchen SOMOL ni be par nib fos, ni ir e Got rom, ni en ni pilung e ke gayem u gubin e nam u fayleng. Ma yira yog ngak u reb e nam nda mmoy u rom me yog ni pilung ko fare nam e ngari micheg ndawor ni piri’egem u rom.