Jeremiah 25:31 - Bible Ni Thothup

³¹ ma fare lam e ra kumong lingan u daken e fayleng nge taw nga tungun. Ma SOMOL e bay e n’en ni nge pufthinnag ko pi nam. Ra fek gubin e girdi’ ko pufthin ma thang mit e pi’in kireb. I SOMOL e be non.’”

Jeremiah 25:31 Referans Kwoze

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Joel 3:2

Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.

Mikah 6:2

Gimed e pi burey, gimed e pi def ni manemus nni toy e fayleng nga kaken, mu telmed ko tin nge yog SOMOL! I SOMOL e bay e aloboch u thilrad e girdi’ rok. Nge weliy e tin ke daliban’ ngay nib togopluw ngak piyu Israel.

Isaiah 66:16

Nifiy nge saydon e bay i gechignag gubin e girdi’ ngay nu fayleng nike pir’eg nib buch e rorad, ma bo’or i yad e yira thang e fan rok.

Hosea 12:2

Bay e thin ni nge yog SOMOL nib togopluw ngak e girdi’ nu Judah; ma aram e ngki gechignag yu Israel ni bochan e tin be rin’ e girdi’ riy. Bayi fulweg taban ngorad e tin kar rin’ed.

Isaiah 34:8

Irera’ e ngiyal ni bay ayuweg SOMOL yu Zion nge falbeyen e pi to’ogor rok.

Ezekiel 38:22

Bay gu gechignag ko liliy nge yam’. N’uw ni gel nge ayis ni be mul u lang, nib mu’un e nifiy nge sulfur ngay, ni bay i m’ap nga daken nge nga daken e raba’ i salthaw rok nge nga daken e pi nam ni yo’or ni yad bfol ngak.

Jeremiah 45:5

Mog ga be guy rogon ni gur e ngan rin’ ban’en ngom ni yugub thil ko girdi’? Dab mu rin’ ni arrogon. Ya nggu fek e riya’ nga daken gubin e girdi’, ma gur e gu ra aywegem ko yam’ u gubin yang ni ga ra yan riy. I Gag SOMOL e kugog e pi thin ney.”

Isaiah 33:3

Ga ra cham ni pa’mad, me mil e pi nam ni bochan lingan e mael.

Jeremiah 2:35

machane be lungum, ‘Dawor gu bucheg ban’en; mmudugil ni gathi ka be damumuw SOMOL ngog.’ Machane Gag SOMOL e bay gu gechig nigem ni bochan e ke lungum e dawor mu denen.

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Jeremiah 23:19

Damumuw rok e ba nanyoer, ba nifeng nib gel ni bayi aw nga daken lolugen e girdi’ ni kireb.

Ezekiel 30:3

Ke chugur fare rran, ni fare rran rok SOMOL, nib rran ni ba lumolang ma ke ngolol e riya’ nga daken e pi nam.