Jeremiah 25:30 - Bible Ni Thothup

³⁰ “Jeremiah, gur e thingar mu weliy gubin ban’en ni kugog. Ni ngar mog ko pi girdi’ ney ni nge lungum, ‘I SOMOL e bayi non nib ga’ laman u tharmiy ni bod e dirra’ ko yungin th’abi tolang u tharmiy. Bayi non nib almarin nib togopluw ko girdi’ rok; me tolul nib ga’ laman ni bod be’ ni be pirdi’iy e grape. Urngin e girdi’ nu fayleng ni yad ra rung’ag laman,

Jeremiah 25:30 Referans Kwoze

Amos 1:2

Me ga’ar Amos, “I SOMOL e tolul u Burey ni Zion; be yib laman u Jerusalem ni bod lingan e dirra’. Nap’an ni yodorom me yim’ e pan nma kay e gamanman, ma pan nib galunglung ni bay u daken e Burey ni Karmel e pig nge mororoy.”

Joel 3:16

SOMOL e bayi tolul u daken e Burey ni Zion; bay yan lungun u Jerusalem ni bod lingan e dirra’; me rur e but’ nge lanelang. Machane bayi n’uf SOMOL e girdi’ rok.

Isaiah 42:13

SOMOL e ke yan ni nge mael nrogon be’ nib falu’ ma ba sorok; ke fal’eg rogon ni fan ko mael. Bayi tolulnag ni ngan mael; me dag gelngin nib togopluw ngak e pi to’ogor rok.

Isaiah 16:9

Ma chiney e gu be yornag e grape nu Sibmah ni bod ni gu yornag yu Jazer. Be map’ lu’ag ni fan nga Heshbon ngu Elealeh, ni bochan e dakriy wom’ngin e woldug nra felan’ e girdi’ ngay.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Jeremiah 17:12

Tempel romad e bod ba tagil’ e pilung nib sorok nib suwon u daken bburey nib tolang ni ka nap’an tobolngin e fayleng.

Psalms 132:14

“Irera’ e gin bay gu par riy ndariy n’umngin nap’an; irera’ e gin gu ba’adag ni ngu’ug gagiyegnag.

Psalms 78:65

Me tomur, me od SOMOL ni gowe ki i mol; bod be’ nib mo’on nib gel nike taf daken ni bochan e wayin.

Psalms 58:5

ni der rung’ag lungun e en ma thoy e ngal, ara tang rok fare salap ko pig.

Psalms 11:4

SOMOL e bay u lan e tempel rok nib thothup; ma tagil’ e bay u tharmiy. Be yaliy e girdi’ u gubin yang ma manang e n’en ni yad be rin’.

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

Deuteronomy 26:15

Mu sap nga but’ ko gin ba thothup ni ga be par riy u tharmiy ma ga fal’eg wa’athan piyu Israel, ni girdi’ rom; mu kum fal’eg rogon e re nam ney ni bfel’ rogon ma ba yong’ol e but’ riy ni kam pi’ ngomad, ni bod ni kam micheg ngak pi chitamangimad ni kakrom.’

2 Samuel 15:25

Me ga’ar David ni Pilung ngak Zadok, “Mfek fare Kahol Ko M’ag ngam sul ngalan binaw. Ya fa’anra ba felan’ SOMOL ngog, mra gagiyegnag nggu sul reb e rran ngug guy, mu gguy e gin ni bay riy.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Isaiah 33:3

Ga ra cham ni pa’mad, me mil e pi nam ni bochan lingan e mael.

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Hosea 11:10

“Girdi’ rog e bay ra leked gag ko ngiyal’ ni gu ra tolul ni bod ba layon ngak e pi to’ogor rorad. Bay rabad ko ngal i yib ngog ni yad ba gur.