Jeremiah 25:27 - Bible Ni Thothup

²⁷ Aram me ga’ar SOMOL ngog, “Mmog ko girdi’, ni Gag SOMOL ni Gubin ma Rayag Rok, ni Got nu Israel, e gu be yog ni ngar unumed nge taw ko ngiyal’ ni ka ra chinggad yad be sul’ugun, miyad aw nga but’ ndabkiyag nra suwongad, ni bochan e mael ni nggu pag nge yib nib togopluw ngorad.

Jeremiah 25:27 Referans Kwoze

Habakkuk 2:16

Bay mu tamra’gad ma dab kun tay famed. Gimed e bay mu unumed ngu’um thigthiggad. I SOMOL e bayi pi’ ngomed e kap ko gechig ngam unumed e n’en ni ba’ riy, ma tayfan ni yibe tay ngomed e bayi thil ngan darifan nagmed.

Jeremiah 25:16

Ma nap’an ni yad ra unun e n’en ni bay riy, ma bay ur thigthiggad me man lanin’rad ni bochan e mael ni bay gu pi’ nib togopluw ngorad.”

Lamentations 4:21

Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag. Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.

Isaiah 51:21

Gimed e girdi’ nu Jerusalem e kam gafgowgad, ni gimed be thigthig ni gowa gimed ba ching,

Jeremiah 50:35

Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Isaiah 63:6

Fithik’ e damumuw rog e gotgot’ e pi nam riy ngar masengsenggad, me wear e racha’ rorad u but’.”

Deuteronomy 32:42

Pi gan e gat’ing rog e bay i lul’ racha’rad riy, ma saydon e bayi thang e pogofan rok urngin e pi’in ur togopluwgad ngog. Dariy ta’abe’ ni i cham ngog ni gu ra pag, mus ko pi’in kar maad’adgad nge pi’in kan kolrad ko mael ni yad ra yim’.’

Revelation 14:10

e ir e ra unum e wayin rok Got, ni wayin ko damumuw rok, nike pu’og ngalan e kap ko damumuw rok ke yan i mus nga gelngin! Urngin e girdi’ ni ra rin’ e ren’ey e yira gafgow nagrad u fithik’ e nifiy nge sulfur u p’eowchen fapi engel nib thothup nge fare Fak e Saf.

Jeremiah 13:13

Ma aram e ngamog ngorad ni Gag SOMOL, e bay gu suguy daken e re but’ ney ko girdi’ ni chingnag: pi pilung ni yad owchen David, nge prist, nge profet, nge gubin e girdi’ nu Jerusalem.

Jeremiah 22:10

Gimed e girdi’ nu Judah, dab mu yor niged i Josiah ni Pilung; ma dab mu mowaw niged e yam’ nike tay. Machane mu yor niged Joahaz nib mo’on ni fak nib almarin; bay nfeked ni dab ku ni fulweg, ni dabki guy bi’id e re nam nni gargaleg riy.

Jeremiah 51:39

Gur yad ba dogol? Bay gu fal’eg ba mur ni farad ngar ching niged miyad felfelan’. Bay ra mulod ni dakriy e ngiyal ni yad ra od.

Jeremiah 51:57

Bay gu gagiyegnag e pi tolang riy ngar chinggad — girdi’ nib gonop, nge tayugang’, nge salthaw. Bay ra molod ni dab kur odgad. I gag fare pilung e gu be non; ni Gag fare SOMOL ni Gubin ma Rayag Rok.

Nahum 3:11

Nineveh, ku arrogom ni bay i math lanin’um ni bod be’ nib ching nag! Ma ku arita’ ni bay um guy rogon ni ngam mil rok e pi to’ogor rom.

Amos 8:14

Ma pi’in nra mow gad nga fithingan fapi liyos nu Samaria, nma lungurad, ‘U fithingan fare got nu Dan’ ara ‘Fithingan fare got nu Beersheba’ — e pi girdi’ nem e yad ra aw nga but’ ma dab kur suwongad bayay.”