Jeremiah 25:15 - Bible Ni Thothup

¹⁵ I SOMOL ni Got rok yu Israel e ga’ar ngog, “Irera’ fare kap nib sug e wayin riy ni damumuw rog. Mu fek i yan ngak urngin e nam ni ku gu l’oegem ngorad, mag guy rogon ngar unumed e n’en ni bay riy.

Jeremiah 25:15 Referans Kwoze

Psalms 75:8

I SOMOL e ke kol ba kap nga pa’, nike sugnag e damumuw rok ni bod e wayin nib gel. Ra pu’og, ma urngin e pi’in kireb ni yad ra unum; miyad unum ni dabi aw ta’reb e wa’angchal riy.

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Revelation 14:10

e ir e ra unum e wayin rok Got, ni wayin ko damumuw rok, nike pu’og ngalan e kap ko damumuw rok ke yan i mus nga gelngin! Urngin e girdi’ ni ra rin’ e ren’ey e yira gafgow nagrad u fithik’ e nifiy nge sulfur u p’eowchen fapi engel nib thothup nge fare Fak e Saf.

BABYOR NI JOB 21:20

Ngan pag e pi tadenen nge mang yad e ra chibiyed e gechig rorad; ngan pagrad ngar thamiyed e damumuw rok Got ni Gubin ma Rayag Rok.

Isaiah 51:22

I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Revelation 14:19

Ma aram me toy fare engel e kama rok nga daken e fayleng me th’ab e grape nge chuw ko kenggin, me yin’ ngalan fare n’en nma uduy e grape, ni aram e damumuw rok Got nib gel.

Jeremiah 51:7

Babylon e ke bod ba kap nib gol u lan pa’ag, ni be chingaw’nag ga’ngin e fayleng. Pi nam ni unum e wayin u langgin e math lanin’rad.

Psalms 11:6

Ma pu’og e achaffin ni be daramram nga but’ nge sulfur ni be yik’ nga daken e pi’in kireb; me gechig nagrad ko nifeng nib gawel.

Psalms 60:3

Ka mu pag e girdi’ rom yad be gafgow nib gel; gamad be thigthig i yan ni gowa gamad ba ching.

Isaiah 51:23

Bay gu pi’ ngak e pi’in ku ur gafgow niged gimed, ni fapicha’ ni yad e ur gagiyeg niged gimed ngu’um thiggad nga but’ u lan yupa’ i kanawo’ mu’un yot’yot’med nga but’ ni gowa gimed e rungdu’.”

Jeremiah 1:5

“Gu mel’egem u m’on ndawor mu sum nga mayal, mu m’on ni ngan gargelegem mu gu duwgiliy ni ngam mang profet ngak e pi nam.”

Jeremiah 43:11

Bayib Nebukadnezzar nge gel ngak yu Egypt. Girdi’ ni kan bucheg wa’athan ni ngarmad’ ko liliy e ireram e n’en ni yad ra yim’ riy, pi’in ni kan turguy ni ngan fekrad nga bang ni kalbus e yira fekrad, ma pi’in ni kan turguy ni ngarmad’ u fithik’ e mael e yira li’rad u fithik’ e mael.

Jeremiah 46:1

I non SOMOL ngog u murung’agen e pi nam,

Jeremiah 48:26

SOMOL e ke ga’ar, “Mu gagiyegnag yu Moab nge chingnag, ni bochan e be togopluw ngog. Moab e bayi leap u fithik’ e sul’ugun rok, me minmin e girdi’ ngak.

Jeremiah 49:12

“Fa’anra mus ngak e pi’in dariy rogon ni ngan gechignag ma dabisiy ni ngar unumed e n’en ni bay ko fare kap ko gechig, ma gimed be leamnag ni gimed ra thay ko gechig? Danga’, thingar mu unumed e n’en ni bay ko fare kap!

Ezekiel 23:32

I SOMOL ni Th’abi Tolang e be ga’ar, “Bay mu unum e n’en ni bay ko kap rok walagem; nib ga’ ma ba to’ar. Gubin e girdi’ ni bay rogned e thin ni kireb ngom miyad be moning nagem; ya ba sug fare kap.

Ezekiel 23:33

Ra pingegem ngam ching nga ri gafgowan’um, ya ba kap ko marus nge magothgoth, ni fare kap rok Samaria ni walagem.

Ezekiel 29:12

Bay gu gagiyegnag yu Egypt nge par ni ireram e re nam ni th’abi kireb u lan e fayleng. Aningeg i ragag e duw nra par e binaw nu Egypt nike kireb, nib gel e kireb riy ko yug binaw. Bay gu gagiyegnag yu Egypt ngar milethaygad. Bay ra milgad nga gubin e nam ngar pired u fithik’ yug boch e girdi’.”

Ezekiel 36:5

“I Gag SOMOL ni Th’abi Tolang, e kug welthin u fithik’ gawelngin e damumuw rog nib togopluw ngak fapi nam ni yad ba liyegmed, ma rib ga’ nib sor fan ngak yu Edom. U fithik’ e minmin nge girigan’ miyad kol e but’ rog nge gel farad ko yungi tagil’ e abich ko gamanman riy.

Obadiah 1:16

Girdi’ rog e kar unumed ba kap i gechig nib mo’oy u daken e burey rog nib thothup. Gubin e pi nam nib liyeg e kabgel e mo’oy ni yad ra unum ko fare kap ko gechig; yad ra unum nge m’ay miyad m’ay ngabang.

Habakkuk 2:16

Bay mu tamra’gad ma dab kun tay famed. Gimed e bay mu unumed ngu’um thigthiggad. I SOMOL e bayi pi’ ngomed e kap ko gechig ngam unumed e n’en ni ba’ riy, ma tayfan ni yibe tay ngomed e bayi thil ngan darifan nagmed.

Psalms 75:9

Machane ri dab gu tal i weliy murung’agen e Got rok Jakob fa gu tal i tangnag e sorok ngak.

Isaiah 14:26

Irera’ e n’en ku gu leamnag ni fan ko fayleng, ma pa’ag e ka ba k’iy ni nge gechignag e pi nam.”

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Jeremiah 36:2

“Mu fek e babyor ngam yoloy ngay urngin e pin’en ni kug weliy ngom ni murung’agen yu Israel nge yu Judah, nge urngin e pi nam. Mu yoloy urngin e pin’en ni kug weliy ngom ko th’abi som’on ni gu welthin ngom, nap’an ni Josiah e pilung, nge yib nge mada’ ko chiney.

Jeremiah 45:5

Mog ga be guy rogon ni gur e ngan rin’ ban’en ngom ni yugub thil ko girdi’? Dab mu rin’ ni arrogon. Ya nggu fek e riya’ nga daken gubin e girdi’, ma gur e gu ra aywegem ko yam’ u gubin yang ni ga ra yan riy. I Gag SOMOL e kugog e pi thin ney.”