Jeremiah 23:24 - Bible Ni Thothup

²⁴ Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

Jeremiah 23:24 Referans Kwoze

Proverbs 15:3

I SOMOL e be guy urngin ban’en ni yibe rin’ u gubin yang, ndemturug ko tin bfel’ ara tin kireb e gadad be rin’ ma be yaliydad.

Psalms 139:7

Uw e rayag ni gu wan ngay nge yog ni gu mil rom? U uw e rayag ni gu wan ngay nda mmoy riy?

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Isaiah 29:15

Ke riya’ e pi’in yad ma mithag rok SOMOL e tin ni ka ra tanom niged ni ngar rin’ed! Ma yad be ngongol nib mith ma yad be leamnag ndariy be’ ni be guyrad ara manang e n’en ni yad be ngongliy.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Psalms 10:11

Pi’in kireb e yad be yog rorad ni yad be ga’ar, “Dariyfan u wan’ Got! Ke moleg owchen ni dabi guydad!”

2 Kronicles 6:18

“Machane, Got, mog rayag rom ni ngarim par u roy u fayleng u fithik’ e pumo’on nge ppin? Mus ngalan e tharmiy ni ga’ngin ma dab mu taw nga langgin, ere bu uw rogon ma ga taw ngalan e re Tempel ney ni kug toy?

Efesus 1:23

Galesiya e downgin Kristus, ni ir e ke polo’nag Kristus, mi Kristus e ir e ke mu’nag urngin ban’en u gubin yang.

2 Kronicles 2:6

Machane ri dariy be’ nrayag rok ni nge toy ba tempel ni fan ngak Got, ya mus nga ga’ngin lan e tharmiy u lang ma dabi taw ngay. Ere gag mini’ ni nggu toy e tempel rok, gur kemus ni bang i n’en ni ngu’un urfiy e incense riy ngak Got?

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Ezekiel 9:9

Me fulweg Got ni ga’ar, “Girdi’ nu Israel ngu Judah e bbuch e rorad ko denen ni ubchiya’. Yad be mathang pogofan u ga’ngin yang ma kar sugyed lan yu Jerusalem ko urngin mit e oloboch. Ma yad be ga’ar e Gag, SOMOL, e kug pi’ keru’ug ko binaw rorad ni da gur guy e n’en ni yad be rin’.

Ezekiel 8:12

Me fitheg Got, “Fak e girdi’, ga be guy e n’en ni be rin’ e pi tayugang’ nu Israel nib mith? Yad gubin ni yad be meybil u lan e senggil nib sug nga ya’an bogi ban’en. Miyad be ga’ar: ‘SOMOL e darguy dad! Ya ke n’ag yu Israel.’”

Jeremiah 49:10

Ma aram mu gu chuweg e upong u daken e pi’in owchen Esau ni dagpag buchu’uw mug m’ugnag e yungin ni yad ma mith riy, ya ngar pired ni dabkiyag nra mithgad. Gubin e girdi’ nu Edom e kan thang owcharad. Dariy bagyad ni magach.

Psalms 148:13

Yad urngin ni ngar pininged e sorok nga fithingan SOMOL. Fithingan e ir e th’abi ga’ u fithik’ urngin e ngachal; ma feni sorok e ba tolang ko fayleng nge tharmiy!

Genesis 16:13

Me fith Hagar u wan’ ni ga’ar, “Gur cha’ney ni kug guy e irera’ fa’anem nma guyeg?” Ma aram me tunguy fithingan SOMOL ni ga’ar, “Ba Got ni Ma Guy.”

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

BABYOR NI JOB 34:21

Ma yaliy urngin e gachgach ko girdi’.

BABYOR NI JOB 34:22

Dariy ba lumor nrayag ni mithag ba tadenen rok Got.

Jeremiah 16:17

Urngin ban’en ni yad be rin’ ma gu be guy. Ya dariy ban’en nib mith u p’eowcheg; denen rorad e de ling u p’eowcheg.

Jeremiah 32:19

Ga ma tanomnag bogi ban’en ni fafeleal’ rogon ma ga ma rin’ bogi n’en nike pag rogon; ma ga ma guy urngin ban’en nma rin’ e girdi’, me gur e ga ma pi’ puluwon ngorad nrogon puluwon e ngongol rorad.

Daniel 2:22

Ma yib i dag e pin’en nib to’ar mab mith, ma manang e n’en ni be par u fithik’ e lumor nib mith; ya ir e be par u fithik’ e tamilang.

Psalms 139:8

Ra gu wan nga tharmiy, ma ga bay riy; ma ra gu wan gu pageg nga but’ u lan e fayleng ko pi’in karm’ad, ma ga bay u rom.