Jeremiah 23:22 - Bible Ni Thothup

²² Fa’an mang e yad manang lanin’ug, me ere rayag rorad ni ngar weliyed e thin rog ngak e girdi’ rog ngar paged pangirad ni kireb nge pi kireb ni yad be rin’.

Jeremiah 23:22 Referans Kwoze

Zekariah 1:4

Dab mboded e pi chitamangimed kakrom. Kab kakrom me pi’ e pi profet e thin rog ngorad, ni yibe yog ngorad ni dab kur pired u fithik’ e kireb, nge denen. Machane dar motoyilgad ngog ara rfolgad rog.

Jeremiah 25:5

Yad be yog ngomed ni ngam paged kanowo’med ni kireb nge pin’en ni kireb ni gimed be rin’, ya nge yag ni ku’um pired ko binaw ni pi’ SOMOL ngomed nge pi chitamangimed ni ngam tafned ni dariy n’umngin nap’an.

Jeremiah 23:18

Mug ga’ar, “Dariy reb e pi profet ney ni ka’a nang laniyan’ SOMOL. Dariy bagayad ni ka’a rung’ag ara ka’a nang fan e thin rok, ara ka’a motoyil ara tiyan’ ko tin keyog.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Ezekiel 13:22

“Sasalap l’ugun romed e be lul’weg laniyan’ e girdi’ nib manigil, ni girdi’ ndagur finey ni nge gafgow. Gimed be tay tanggin e girdi’ ni kireb nge dab rpaged e kireb ni yad be rin’ ngar aywegned e yafos rorad.

Jeremiah 35:15

Kug par ni yuggu be l’oeg e pi profet ni tapigpig rog ngomed, ngu u roged ngomed ni ngam paged ngongolmed ni kireb ngam rin’ed e n’en nib mat’aw. Yad be ginangmed ni dab kum tedfan mi gimed pigpig nga yug boch e got, ya nge yag ni ngkum pired u daken fare nam ni kug pi’ ngomed nge pi chitamangimed. Machane damur motoyilgad ngog ara mu tiyan’med ko tin kugog.

1 Thessalonika 5:6

Ere dab ud molod ni bod boch e girdi’; ya ngu’ud pired ni gadad be od ma ba tamilangan’dad.

Ezekiel 3:17

I ga’ar, “Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug ginaengrad riy.

Ezekiel 2:7

Ngamog ngorad e tin bay gu weliy ngom, ndemturug ko yad ra motoyil ngom fa dab ra motoyilgad. Ma dab mu pag talin ni yad bogi tatogopluw.

Ezekiel 18:30

“I Gag SOMOL ni Th’abi Tolang e gu be yog ngomed yu Israel ni bayi bigimed mu gu turguy e n’en ni nggu rin’ ngak ko ngongol rok. Mpi’ed keru’med nga urngin e kireb ni gimed be rin’, ma dab mpaged e denen romed nge thang e pogofan romed.

Jeremiah 36:3

Ya dabisiy nra rung’ag piyu Judah murung’agen urngin e riya’ ni ku gu finey ni ngu fek nga dakenrad, ma aram e dabisiy ni yad urngin ni yad ra pi’ keru’rad ko kireb ni yad be ngongliy. Mu gu n’ag fan u wun’ug e kireb rorad nge denen rorad.”

Jeremiah 9:12

Mu gu fith nug ga’ar, “SOMOL, mangfan nike kireb e binaw ke par ndariy e ran riy ni bod daken e ted ni desert, ni dakuriy be’ ni be milekag riy? I mini’ e ba gaman e gonop rok nra nang fan e biney e pa’? I mini’ e ka mu weliy fan ngak nrayag ni nge weliy ngak boch e girdi’?”

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Ezekiel 13:5

Darir matanagiyed e yungin ke puth e rungrung, ma ku dariy e ngar ubungiyed e rungrung, ere yu Israel e dabyag i ayweg ko ngiyal’ nike yib e mael ko fare rran rok SOMOL.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Malaki 2:6

Ma tin nib mat’aw e ur filed ko girdi’, ma gathi n’en nib kireb. Ma ug pired ni bfel’ thilmad; gathi kemus ni go’yad e ur rin’ed e tin nib mat’aw, ya ku’ur ayuweged bokum e girdi’ ni ngar taleged i rin’ e tin ba kireb.