Jeremiah 23:19 - Bible Ni Thothup

¹⁹ Damumuw rok e ba nanyoer, ba nifeng nib gel ni bayi aw nga daken lolugen e girdi’ ni kireb.

Jeremiah 23:19 Referans Kwoze

Jeremiah 30:23

Damumuw rok SOMOL e ba yoko’, ni ba nifeng nib gel ni bay i cham u daken lolgen e pi’in kireb. Dabi tal nge taw ko ngiyal’ nike mu’nag e tin be finey. U langgin e pi rran ni bay finiyib e bayi nang e girdi’ rok riy fan e ran’ey ni bfel’ rogon.

Jeremiah 25:32

I SOMOL ni Gubin ma Rayag Rok e be yog ni riya’ ni nge yib nge aw nga reb e nam nge reb, nge bang i yiko’ nib gel e kekunuy ir u gubin yang u taban e fayleng.

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Isaiah 21:1

Irera’ e thin ni murung’agen yu Babylonia. Ba yib e riya’ u ba nam ni bay madgun ni bod ba nanyor ni wolguy daken e ted.

Proverbs 10:25

Ra yib e yiko’, ma pi’in kireb laniyan’ e yira tharbog rad, ma pi’in yul’yul’ e gubin ngiyal’ ni dariy banen nra buch rorad.

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Isaiah 40:24

Yad bod e woldug ni kafini tugul, kafini thay lik’ngin. Ma nap’an ni pi’ SOMOL e nifeng nge yib, me mororay me changegnag e nifeng ni bod ba ke pan nike mlik’.

Proverbs 1:27

ko ngiyal’ nra aw ngomed ni bod ba yoko’ nib gel nifngin nra gathgothay e gabin, ma kam pired nga fithik’ e amith nge biligt’ay e gafgow.

Psalms 58:9

U m’on ni dawor ra na’abgad, mi ni th’abrad nga but’ ni bod e pan; u fithik’ e damumuw rok Got e ra thirifrad u but’ ni ku yad bfos.

Jeremiah 51:1

Be ga’ar SOMOL, “Arme nggu fek i yib e nifeng nib almarin ngak yu Babylon nge girdi’ riy.

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Zekariah 7:14

Bod bang i yiko’ ni aw, gu tharbograd ngranod ra pired nga yug boch e nam. Re but’ ney ni bfel’ e ni pag ni dakuriy ban’en riy, ma dakuriy be’ ni par riy.”

Jeremiah 25:31

ma fare lam e ra kumong lingan u daken e fayleng nge taw nga tungun. Ma SOMOL e bay e n’en ni nge pufthinnag ko pi nam. Ra fek gubin e girdi’ ko pufthin ma thang mit e pi’in kireb. I SOMOL e be non.’”

Ezekiel 13:13

Ere chiney e irera’ e n’en ni be yog SOMOL ni Th’abi Tolang: “U fithik’ e damumuw rog e bay gu pi’ e nifeng nib gel, nge n’uw ni sarbul, nge yung i ayis ni gowa bogi malang ni nge mul u lang nge buthug fare rungrung.