Biblia Todo Logo
Bib sou entènèt

- Piblisite -




Jeremiah 23:12 - Bible Ni Thothup

12 Yu pa’ i kanawo’ ni yad be lek e bayi tamasirgig me rumug riy; bay gu gagiyeg nagrad nge tun ayrad ngar paraw gad. Bay gu fek e riya’ i yib ngorad; ngiyal’ ni ngan gechig nagrad riy e be yib. I Gag SOMOL e kugog e pi thin ney.

Gade chapit la Kopi




Jeremiah 23:12
18 Referans Kwoze  

Mu mathangeluwol naged SOMOL, ni Got romed, u m’on ni nge fek e lumor i yib, ngam dol gad u daken e pi burey; ngu m’on ni nge pilyeg nge ngal’ ni rumug fare tamilang ni be lagan’med ngay.


Ku gu duwgiliy e ngiyal’ ni nggu fek e riya’ i yib nga daken e girdi’ nu Anathoth, ma nap’an nra taw ko ngiyal’n’em, ma dariy ta’bagyad nra magay nib fos.”


Machane, fare pa’ i kanawo ko girdi’ ni kireb, e bod feni rumug e nep’. Bay ur dol’gad, machane dab ra guyed ko mang e be tun ayrad ngay.


Mang e yigi lumor me sisirgig kanawo’rad ko ngiyal’ ni be toyrad fare engel rok SOMOL!


Me fulweg Jesus ngorad ni ga’ar, “Bayi par fare tamilang u fithik’med nib n’uw boch nap’an. N’en ni gimed be rin’ e ngam rin’ed ko ngiyal’ ni kabay e tamilang romed, nge dabi yib e lumor nga dakenmed; ya cha’ nma par u fithik’ e lumor e der nang e gin ni be sor ngay.


ara ra lik’athgad nga but’ ma kemus ni gafgow nge rumug e yad ra guy, nib rumug nib gel e marus riy ni ir e yibe tulufrad nga fithik’.


Rib mudugil ni kam tayrad ko yungi n’en nib tamasirgig, ma bay mu gagiyeg nagrad ngar mulgad nga fithik’ e riya’!


Mman e chiney, ngam gafaliy yu Israel ko gin ni kugog murung’agen ngom. Dab mu pag talin ni engel rog e bay i pow’iyem, machane bay bingiyal’ ni bayi taw ngay ni nggu gechignag e pi girdi’ ney ni bochan e denen ni kar ngongliyed.”


Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.


Machane en ni be fanenikay walagen ni girdi’en Kristus e bay u fithik’ e lumor; ni be yan u fithik’, ni der nang e gin be sor ngay, ya fare lumor e ke pingeg ke malmit.


Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.


Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (


En nra guy rogon ni nge mil ko marus e ra mul ngalan e low, ma en nra gararaw ngalang ko fare low e bayi aw ko wup, ni bochan e ke duwgiliy SOMOL e ngiyal’ ni nge aw e riya’ nga Moab.


Bay ni tuluf nge yan nga wuru’ e nam rok e pi’in kabfos, bay ni tuluf ko tamilang nga fithik’ e lumor.


I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.


“Ri dariy ban’en ni gimed manang ma ku dariy ban’en ni gimed manangfan. Kam polo’ i kirebgad, ma ke math mit e mat’aw u fayleng.


SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!


Girdi’ rog, gur, um tamra’gad ni bochan e pin’ey nib sosongor ni um ngongliyed? Dangay, damnanged e tamra’! Ere bay mu thaygad ni bod nike thay boch e girdi’; ngiyal’ ni gu ra gechig nagmed, ma aram e tomuren e yafos romed. I Gag SOMOL e gu be non.


Swiv nou:

Piblisite


Piblisite