Jeremiah 22:16 - Bible Ni Thothup

¹⁶ Ba yal’uw rogon ni i pithig e oloboch rok e pi’in gafgow, me par gubin ban’en u puluwon ni bfel’ rogon. Aramrogon ma aram e kannang SOMOL.

Jeremiah 22:16 Referans Kwoze

Jeremiah 9:24

Fa’anra ba’adag be’ ni nge uf ma nge uf ni bochan e manangeg ni bfel’ rogog, nge bochan e t’ufeg rog ni dabimus, ma gu ma rin’ e tin nib yal’uw nge tin nib mat’aw. Irera’ e pin’en ni bfel’ u wun’ug. I Gag SOMOL e kugog e pi thin ney.”

Isaiah 1:17

mi gimed fil rogon i rin’ e fel’. Mu guyed ni tin mat’aw e nge lebug, mu ayuweged e pi’in yibe gafgow nagrad, mpi’ed mat’wun e bitir ni kanim’ rorad, mi gimed mang yoror rok e pi’in ke yim’ figirngirad.”

Titus 1:16

Yad be yog ni yad manang Got, machane be m’ug u pangirad ndar nanged Got. Ma dabuy pangirad ma darir folgad, ma dabiyag ni ngar ngongliyed ban’en ni bfel’.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”

Psalms 109:31

ni bochan e Ir e ma n’ufeg e pi’in ke gafgow mma ayuweg e pogofan rorad u pa’ e pi’in kar turguyed e gechig rorad ni yam’.

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

Jeremiah 5:28

ma ka ra sugsug gad ya bfel’ e darwo’ ngorad. Ma dariy folen e kireb ni yad be rin’. Darir pi’ed mat’wun e pi’in kanim’ rorad fa rdaged ni bfel’ e rok e pi’in ni yibe gafgow nagrad.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

John 17:6

“Kug weliy murung’agem ngak e pi’in kam pi’rad ngog u fayleng ni yad e ur pired nib mil farad ngom, me gur e kam pi’rad ngog. Ma kar folgad ko thin rom,

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.

Psalms 36:10

Mu ul ul ko t’ufeg rom ngak e pi’in yad manangem, ma ggol ko pi’in yad bmat’aw.

Proverbs 31:9

Mu non ni pa’rad ma ga mang ba tapufthin nib mat’aw. Ma ga ayweg mat’wun e gafgow nge pi’in kri t’uf e ayuw rorad.”

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.