Jeremiah 22:15 - Bible Ni Thothup

¹⁵ Gur ga ra mang reb e pilung ni bfel’ boch ni fa’anra mu toy e pi naun rom ko ren ni cedar, nib pag feni fel’? Chitamam e i felfelan’ u n’umngin nap’an e yafos rok. Gubin ngiyal’ ni i par nib mat’aw ma ba yal’uw, ni gubin ban’en ni i rin’ ma i lebug.

Jeremiah 22:15 Referans Kwoze

2 Kings 23:25

Dariy reb e pilung nib m’on rok ko pilung ara yib nga tomuren ni bod ir ni i pigpig ngak SOMOL u polo’ i gumirchaen, ngu polo’ i laniyan’, ngu polo’ i gelngin, ni aram e be fol u urngin fapi motochiyel rok Moses.

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Eklesiastes 10:17

Machane bfel’ wa’athan ba nam ni pilung riy e ma duwgiliy e tin ngan rin’ ma pi tagagiyeg riy e yad ma abich u ngalan’ e abich, ma yad ma kol gafalrad ma darir chingaw’gad.

Proverbs 25:5

Mu tay e pi tafanow ni kireb e leam rorad u orel rok fare pilung ma birok’ e am e go’ yira nang nib mat’aw.

Proverbs 29:4

Fa’anra ba ga’fan e tin yal’uw u wan’ ba pilung, ma fare nam rok e bay i gel gelngin, machane fa’anra salpiy e ba m’on u w’an, mra gathey e nam rok.

2 Kings 22:2

Josiah e i rin’ e tin nib m’agan’ SOMOL ngay; ya i folwok rok David ni ga’ rok kakrom, ri i par ni be fol ko urngin e motochiyel rok Got.

Jeremiah 42:6

Ndemturug ko m’agan’mad ngay fa dangay, ma gamad ra fol rok SOMOL ni Got rodad, ni ir e gamad be ning ngom ni ngam meybil ngak. Fa’an gamad ra fol rok ma ra fel’ gubin ban’en u puluwomad.”

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

2 Samuel 8:15

Me gagiyeg David u daken yu Israel ni ga’ngin ma be guy ni nge par e girdi’ rok ni gubin ngiyal’ ni yibe aywegrad ni bfel’ ma ba mat’aw rogon.

1 Korinth 10:31

Demturug e n’en ni gimed ra rin’, ndemturug ko ngam abichgad ara ngam garbodgad, ma urngin ni ngam rin’ed ni fan e nganog e sorok riy ngak Got.

Acts 2:46

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,

Luke 11:41

Ere mpi’ed e n’en ni bay u lan e kap nge plet romed ngak e pi’in gafgow, me yan i par ni urngin ban’en ma ke be’ech u puluwmed.

Jeremiah 23:5

Be ga’ar SOMOL, “Bayi taw nga bingyal’ mu gu duwgiliy be’ nib mat’aw nreb i owchen David ni nge mang pilung. Re pilung nem e bayi gagiyeg u fithik’ e gonop mi i rin’ e n’en nib yal’uw ma ba mat’aw u daken e re nam ney ni ga’ngin.

Jeremiah 22:18

Ma aram me ga’ar SOMOL u murung’agen Jehoyakim nib mo’on ni fak Josiah ni Pilung nu Judah, “Dariy be’ nra mowawnag e yam’ ni tay ara ga’ar, ‘Kari kireban’ug, fager rog, ke kireban’ug!’ Dariy be’ nra yornag ara dolol’oy ni ga’ar, ‘Ga’ rog ma pilung rog!’

Jeremiah 22:3

“I Gag SOMOL e kugog ngomed e n’en ni ngam rin’ed nib yal’uw ma bfel’. Ngan ayweg e cha’ ni kan bannag rok e cha’ nike bannag. Dab mu gafgow niged e milekag, nge pi’in kanim’ rorad, ara pi’in ke yim’ figirngirad, ma dab mu thanged e pogofan rok e girdi’ ni dariy ban’en nike bucheg u lan e gin’ey nib thothup.

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Eklesiastes 2:24

Bin th’abi fel’ ngak be’ ni nge rin’ e nge abich me garbad me felfelan’ ko tin ke thognag. Ma ku gu nangfan e chiney, ni mus ko biney ni yib rok Got.

Proverbs 31:9

Mu non ni pa’rad ma ga mang ba tapufthin nib mat’aw. Ma ga ayweg mat’wun e gafgow nge pi’in kri t’uf e ayuw rorad.”

Proverbs 20:28

Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.

2 Kronicles 34:2

Me rin’ e tin nib m’agan’ SOMOL ngay; i folwok ko ga’ rok ni aram David ni Pilung, ri i fol u gubin e motochiyel rok Got.

1 Kronicles 3:15

Me Josiah e immoy aningeg i pagel ni fak: Johanan, Jehoyakim, Zedekiah, nge Joahaz.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Jeremiah 7:5

“Mu thiliyeged pangimed nge pin’en ni gimed be rin’. Nge bigimed mi i rin’ e tin bmat’aw ngak bigimed.

2 Kronicles 35:22

Machane ke mu’ i leamnag rok Josiah ni nge cham ngak Neko. Me t’ar u wan’ ndabi rung’ag e tin keyog Got u daken Neko ni Pilung, ere me pilyeg ya’an nge yan ko mael u daken fagi flang nu Megiddo.

2 Kronicles 35:26

Gubin e tin ni rin’ Josiah — feni yul’yul’ ngak SOMOL, nge rogon ni i fol ko fare Motochiyel,