Jeremiah 20:3 - Bible Ni Thothup

³ Me reb e rran riy ni kadbul u tomuren nike chuweg Pashur e chen rog, mu gga’ar ngak, “I SOMOL e de tunguy fithingam ni Pashur. Re ngachal nike pi’ ngom e ‘Marus u Gubin Yang.’

Jeremiah 20:3 Referans Kwoze

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Lamentations 2:22

Mu pining e to’ogor rog nga ba madnom ko k’ar marus u to’obeg i yan, Ma dariy be’ nrayag ni nge thay nge mil u fithik’ e damumuw rom e rofen nem. Kar thanged e pogofan rok pifakag, ni ug chugliyrad ni yad ba t’uf rog.

Jeremiah 46:5

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.

Psalms 31:13

Gu be rung’ag e kathkath ko to’ogor ni yo’or; ke ingeg e morus ni gel. Yad be purpuruy’ nib togopluw ngog, yad be makath ni ngar thanged e fan rog.

Jeremiah 6:25

Dabi math’ madgun romad ni nggu warod nga wuru’ e binaw, ara ug warod u lan e yu pa’ i kanawo’; ya pi to’ogor romad e ka ra feked talin e cham kar pired, ma ke th’abmad e marus.”

Isaiah 8:3

Me ba ngiyal’ nga tomuren ma gamow par le’engig. Me diyen me gargel ni bochi pagel. Me ga’ar SOMOL ngog, “Mu tunguy fithingan ni ‘Fek Chugom u Fithik’ e Yargal nib Machreg.’

Acts 16:30

Me fekrow nga waen me fith ngorow ni ga’ar, “Mang e thingar gu rin’ me yag ni gu thap ngak Got?”

Jeremiah 29:29

Me be’eg Zefaniah fare gi babyor ngog,

Jeremiah 19:6

Ma n’en ni nge buch, e bay i taw nga ba ngiyal’ ni dab ku nog fithingan e gin’ey ni Tofeth ara Loway ni Hinnom; ya bay nog fithingan ni Loway ko Mili’ Girdi’.

Jeremiah 19:2

nggu warod u langan fare garog ni fithingan e Th’ib Nib Pil ngalan fare Loway ni Hinnom. U rom e nggu weliy riy e thin rok nike pi’ ngog ni nggu weliy.

Jeremiah 7:32

Ere bayi taw nga bangiyal’ ni bay dab kunog fithingan ni Tofeth, ara Loway ni Hinnom. Bay nog ni Loway ko Mili’ Girdi’, ya bay ra k’eyged e girdi’ u Tofeth nge yan i par ndakuriy bang ni yira gum’eyag ngay.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Genesis 17:15

Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.

Genesis 17:5

Ma fithingam e dabki par ni Abram, ya ke par ni Abraham, ya bay gu tem ni gur chitamngin bo’or e nam.

Ezekiel 13:9

I gag e nggu gechig nagmed e pi profet ni de rriyul e tiromed e changar, ma go’ ban e yi’iy ni gimed be tay. Dab mu’uned ngaram ko ngiyal’ nra mu’ulung e girdi’ rog ni ngar purpuruy’ gad; fithingimed e dabi un ngalan babyoren e girdi’ nu Israel; dakriy bi’id ni gimed ra sul ko nam romed. Ma aram e bay mu nanged ni Gag fare SOMOL ni Th’abi Tolang.