Jeremiah 20:17 - Bible Ni Thothup

¹⁷ ni bochan e de thang e pogofan rog u m’on ndawor nni gargel nigeg. Ya fa’an mang e yodorom ma yin e chitinag e ke par nike mang malang rog, me yan i aw nda ni gargel nigeg.

Jeremiah 20:17 Referans Kwoze

Eklesiastes 6:3

Rayag ni nge fakay be’ ra’ay e bitir, me par nib n’uw nap’an, ma demturug feni n’uw nap’an ni par nib fos, ma fa’anra de yag ngak e birok e f’oth ko felfelan’ ma de fel’ rogon e gum’eyag nni tay ngak, me’ere gag e nggog ni kabfel’ be’ nib bitir nni gargaleg ma bayam’.

BABYOR NI JOB 3:16

fa gu mol ni bod e bitir nni gargeleg ma ba yam’.

Jeremiah 15:10

Ba gel e gafgow ni gu be tay! Mang ni gargel nigeg e chitinag ngalan e biney e tamilang? Dabisiy ni nggu tugthin mu gu malu’ag thin ngak urngin e girdi’ ko re nam ney. Dawor gu pi’ e salpiy ngak be’ ni nge maruwel ngay nge mu’ me fulweg ngog, ma dawor gu ning e salpiy ku be’ nggu maruwel ngay nge mu’ mu gu fulweg; machane urngin e girdi’ ni yad be yibil ni yigi buch ban’en rog.