Jeremiah 2:7 - Bible Ni Thothup

⁷ Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.

Jeremiah 2:7 Referans Kwoze

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Numbers 13:27

Lungurad ngak Moses, “Kug lekged fare nam ni mol’ogmad ni nggu warod ngay; ba nam nib pire’ ban’en riy ma ba yong’ol e but’ riy, ma ba’aray boch i wom’ngin e woldug riy ni kug feked.

Ezekiel 36:17

Ni ga’ar, “Fak e girdi’, nap’an nma par pi yu Israel u daken e but’ rorad, miyad ta’aynag u rogon e par nge ngongol rorad. Gguy e ngongol rorad ni bod feni ta’ay be’ ni bpin nib pael.

Jeremiah 3:9

ni dariy bochi tamra’ rok. Ke ta’aynag e binaw, ma be pigpig ma be tayfan bogi malang nge yuke gek’iy.

Jeremiah 3:1

Be ga’ar SOMOL, “Fa’anra n’ag be’ nib mo’on le’engin, me yan fare pin nge yan i mang le’engin yug reb e pumo’on, ma dabki fulweg fare pin ngak bayay. Biney e rib muduwgil nra ta’aynag e binaw. Israel, machane gur e bo’or pi ilingem, ma ke chiney ma ka mu finey ni ngam sul ngog!

Mikah 2:10

Mu sak’iy gad ngam chuwgad; ya gathi irera’ tagil’ e toffan romed. Bochan e denen ni gimed be ngongliy ma aram e bay yib e riya’ ngaray nrib gel e gafgow riy.

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Deuteronomy 21:23

ma dab ni pag u rom nge af nga reb e rran. Thingar ni k’eyag ni ka rofen nem, ni bochan e ba yam’ ni kan tining ngalang ko ren e ra fek i yib nga daken e binaw e buchwa’athan rok Got. Ere mu k’eyeged fare yam’, ya nge dab mu ta’ay niged fare nam ni bayi pi’ SOMOL ni Got romed ngomed.

Deuteronomy 6:18

Mu rin’ed e tin keyog SOMOL ni ir e bmat’aw ma bfel’, ma aram e rayag ni um pired ni bfel’ rogomed, me yag ni mmarod ngalan e re nam nem nib yong’ol e but’ riy ngam tafnayed, ni SOMOL e micheg ngak e pi chitamangimed ni kakrom ni bayi pi’ ngorad,

Jeremiah 3:2

Mu changar ngalang nga p’ebgul e burey. Kabay bang ni dawor mu ngongol riy ni bod be’ nma chuway’ ngak? U mu sonnag pi ilingem u charen e kanawo’ ni bod ba Arab ni be son u daken e ted ni nge og ngak be’. Karim ta’aynag e binaw ko chuway’ ni ga be tay ngom.

Jeremiah 32:23

Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.

Jeremiah 32:30

Murung’agrad aram ko tobolngin e girdi’ nu Israel nge girdi’ nu Judah e da i m’agan’ug ko ngongol rorad mu’ur k’aringed e damumuw ngog ko gafarig rorad.

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.

Deuteronomy 32:9

Ma pi’in owchen Jakob e ir e mel’eg ni ir e nge par rok.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Isaiah 19:25

I SOMOL ni Gubin ma Rayag Rok e bayi fal’eg wa’athrad me ga’ar, “Egypt, bay gu tow’ath nigem, i gur girdi’eg; nge gur Assyria, ni gu sunmiyem; nge gur Israel ni girdi’ rog ni gu mel’eg.”

Ezekiel 20:24

Gu rin’ e biney ni bochan e kar pi’ed keru’rad ko thin rog, ma kar th’abed e motochiyel rog, ma kar dariyfan naged e Sabbath, ma yad be tayfan fapi liyos ni i pigpig e pi chitamangirad ngay.

Ezekiel 23:35

Irera’ e n’en ni be yog SOMOL ni Th’abi Tolang: “Bochan e kampag talig kam pi’ ker’um ngog, ere thingar mu fek wenegan e darngal nge falchuway’ ni um tay ngom.”