Jeremiah 19:5 - Bible Ni Thothup

⁵ ma kar ubunged e pi altar ni fen Baal, ni fan e ngu’ur urfiyed pifakrad u mit e nifiy ngar pi’ed ngak ni maligach. Ri da gu pi’ mat’awrad ni ngar dumed ban’en ni aray rogon; ma ku de yib ngan’ug ban’en ni aray rogon.

Jeremiah 19:5 Referans Kwoze

Jeremiah 32:35

Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Deuteronomy 12:31

Dab um liyorgad ku SOMOL ni Got romed ni bod kanawo’en ni yad be tayfan e tirorad e kan, ya rogon ni yad ma tay fan e tirorad e got e yad ma rin’ urngin e pin’en nib sunsonogor nri dabun SOMOL. Mus nga pifakrad ni yad ma urfiy u mit e nifiy u daken e pi altar rorad ngar pi’ed ni maligach.

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

2 Kings 17:17

U ra pi’ed pifakrad ni pumo’on nge ppin ni bogi maligach ni mo’oruf ngak e pi got rok e pi’in ndar nanged SOMOL; mu’ur fithed laniyan’ e pi sathuw nge pi’in yad ma yog e n’en nra buch nga m’on, mar pi’ed yad ni polo’ ko tin kireb ni yad be ngongliy u p’eowchen SOMOL, ma aram e ri yad be pug e damumuw rok.

Daniel 2:29

“Pilung, nap’an ni ga be mol ma ga lik’aynag e tin ni bay nga m’on ni bay fini yib, mi Got, ni ir e ma dag e tin nda nnang e dag ngom e tin ni bay yib i m’ug.

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Ezekiel 20:26

Gu pagrad ngu’ur alit niged yad ko pi maligach rorad, mu gu digeyrad ngu’ur maligachgad ko tin nganni’ e pagel u pifakrad. Irera’ e gechig ni gu tay ngorad ni nge dag ngorad ni Gag SOMOL.

2 Kronicles 28:3

me urfiy e incense u lan e Loway ni Hinnom, ma mus nga pifak ni pumo’on me pi’ ni maligach ni mo’oruf ngak bogi liyos, be yan u ya’an e pin’en nib sonogor ni i rin’ e girdi’ nike tulufrad SOMOL nga wuru’ fare nam nu Israel u m’on nrabad ra tafnayed.

Numbers 22:41

Me kadbul me fek Balak Balaam ngranow nga bang nib tolang u Bamoth Baal. Yu rom e ra changar Balaam riy me guy boch piyu Israel.

Ezekiel 16:36

Irera’ e n’en ni be yog SOMOL ni Th’abi Tolang: “Kam luf e mad u dakenam, ni bod be’ nma falchuway’ ngak, ga be pi’em ngak pi ilingem nge ngak gubin e pi liyos rom nib sunsonogor, mag be li’ pifakam ni nge mang maligach ngak e pi liyos.

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.