Jeremiah 18:10 - Bible Ni Thothup

¹⁰ ma de fol fare nam rog miyad ngongliy e kireb, ma aram e dab gu rin’ e n’en kugog ni gu ra rin’.

Jeremiah 18:10 Referans Kwoze

Ezekiel 33:18

Be’ nib mat’aw e nap’an nra tal i rin’ e tin ni bfel’ me tabab i rin’ e tin nib kireb, mra yim’ ni bochan e kireb ni be rin’.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.

Ezekiel 18:24

“Ma be’ nib mat’aw e fa’anra tal ndabki rin’ e tin ni bfel’ me tabab i rin’ urngin e kireb, ni pin’en nma rin’ e girdi’ ni kireb ni yira tamra’ ngay, gimed be finey nra par nib fos? Danga’! Dariy ban’en ko tin ni rin’ ni bfel’ ni gu ra leamnag. Bayi yim’ ni bochan e daki yul’yul’ nge bochan e denen rok.

1 Samuel 13:13

Me fulweg Samuel ni ga’ar, “Ri gab balyang ko binir e pa’ ni kam rin’. Da mfol ko tin keyog SOMOL ni Got rom ngom ni ngam rin’. Fa’an mang e mfol, ma ke tem nge pi’in owchem ngu’um gagiyeg niged piyu Israel ndariy n’umngin nap’an.

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.

Zefaniah 1:6

Bay gu thang mit e pi’in kar pi’ed keru’rad ngog nda kurir lekedgag, ni pi’in nda kurirbad ngog ara ra ninged e ayuw ngog ni nggu pow’iyrad.”

1 Samuel 15:35

Ma daki mada’nag Samuel Saul ni Pilung u n’umngin nap’an e yafos rok; machane me par Samuel ni kari kireban’ ngak Saul. Ma SOMOL e kalngan’ ya ir e turguy Saul ni nge mang pilung nu Israel.

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Ezekiel 45:20

Ku aray rogon yalen ni ngan rin’ ko bin medlip e rran ko pul, ya nge chey ni denen be’ ni gathi leam rok fa denang nike rin’ ban’en nib kireb min’ag fan rok. Irera’ kanawo’en ni ngu’um ted e Tempel rog nib thothup.

Numbers 14:34

Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!

Numbers 14:23

Ri dab ranod ngalan fare nam ni gu micheg ngak pi chitamangirad ni bay gu pi’ ngorad. Dariy bagayad e pi’in ni kar darifan nigedgag nra yan ngalan.

Ezekiel 33:12

“Fak e girdi’, mu weliy ngak e girdi’ nu Israel ni fa’anra be par be’ nib mat’aw me tabab ko denen, ma tin ni bfel’ ni i rin’ e dabiyag ni nge ayuweg fa’anem ni nge dab kun gechignag. Fa’anra bay be’ nib kireb me tal ndabki rin’ e kireb, ma dabki aw e gechig ngak, ma be’ nib mat’aw e fa’anra tabab i ngongliy e denen, ma dabiyag ni nge dab ni gechignag.