Jeremiah 17:14 - Bible Ni Thothup

¹⁴ SOMOL, mu gol nigeg ngarug gol; ma ga lageg nggu par ni dabi buch ban’en rog. Ri gur e gu ma pining e sorok ngom!

Jeremiah 17:14 Referans Kwoze

Psalms 6:2

SOMOL, kem’ay gelngig; ere wurengan’um ngog! Mu pi’ gelngig; ya kri thowparwog

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Psalms 106:47

SOMOL ni Got romad, mu ayuwegmad, ngam fulwegmad nggu chuwgad u fithik’ e pi nam, ya nge yag ni gu pininged e magaer magmad pining e sorok nga fithngam nib thothup.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

Deuteronomy 10:21

Um pininged e sorok ngak, ya ir e Got romed ma kam guyed nga owchemed e pi maang’ang ni un ngat ngay ni rin’ ni fan ngomed.

Psalms 109:1

Got, gu be pining e sorok ngom; dab mu par ni kam th’abgulungam!

Psalms 6:4

SOMOL, moy ngam ayuwegneg; u fithik’ e runguy rom e ngam lageg riy ko yam’.

Jeremiah 15:20

Bay gu gagiyeg nigem ngam par u puluwrad ni ga bod bangi rungrung nib el nni ngongliy ko wasey ni bronze. Bay ur bad ra chamgad ngom, ma dabiyag ni ngar gelgad ngom. Bay gu un ngom ngu’ug yoror rom ngam par ndabi buch ban’en rom.

Matthew 14:30

Machane fa’ani guy gelngin e nifeng me rus, ma aram me nguchur nga ar. Me pong ni ba ga’ laman ni ga’ar, “Somol, mu ayuwegneg!”

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

Matthew 8:25

Me yan pi gachalpen ngak ngar puged, me lungurad ngak, “Somol, mu guy rogon ngad fosgad! Ya ere ngad m’ad!”

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

Psalms 12:4

“Thin romad e ma yagnag ngomad e n’en ni gamad ba’adag. Bay gogned e n’en ni gamad be finey, ma dariy be’ nrayag ni talegmad.”

Numbers 12:13

Me pag Moses laman ngalang nge yor ngak SOMOL ni be ga’ar, “Got, mu golnag Miriam!”

Psalms 54:1

A Got, mu ayuwegneg nga gelngim; gelngim e nge m’ug riy ni bfel’ e rog!

Jeremiah 3:23

De yib e ayuw ngomad ko pigpig ni ug ted nga yug boch e got u daken p’ebugul e burey. Ayuw ni fen yu Israel e kemus ni SOMOL ni Got romad e ma yib rok.

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”

Jeremiah 33:6

Machane bay gu golnag e re binaw ney nge girdi’ riy mu gu chuweg e m’ar rorad. Bay gu pi’ e gapas ngorad nge yan i mus nga rogon ma dabi buch ban’en rorad.

Psalms 6:3

ku gu aw nga fithik’ e oloboch. SOMOL, bu uw n’umngin nap’an ni ngam son, fin mu ayuwegneg?

Psalms 119:94

Ba milfag ngom — mu aywegeg! Kug guy rogon ni nggu fol ko tin mog ni ngan rin’.