Jeremiah 17:13 - Bible Ni Thothup

¹³ SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Jeremiah 17:13 Referans Kwoze

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Isaiah 1:28

Machane bayi pirdi’iy e pi’in yad be denen ma yad be togopluw ngak; bayi thang e pogofan rok e pi’in kar pi’ed keru’rad ngak.

Luke 10:20

Dabi felan’med ni fan e be fol e pi mo’onyan’ romed; machane nge felan’med ni fan e kan yoloy fithingmed nga babyor u tharmiy.”

Jeremiah 14:8

Kemus ni gur e lagan’ rok yu Israel; I gure cha’ ni ga ma aywegmad ko riya’. Mangfan ni kambod be’ ni da gu nanged owchen u lan binaw romad, ni bod be’ nib milekag ni kemus ni nge par ta’reb e nnep?

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Isaiah 66:5

Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Psalms 73:27

Pi’in kar n’iged gur e rib mudugil ni bay ra m’ad, ma bay mu thang owchen e pi’in ndarir yul’yul’gad ngom.

Jeremiah 2:13

girdi’ rog e ke ngongliy l’agruw i denen: ka ra pi’ed keru’rad ngog, ni gag fare alublub nib machalbog e ran riy; ma ka ra kired boch e low, ni low nike yaba’al yu yang riy ndabiyag ni nge mit e ran riy.”

Joel 3:16

SOMOL e bayi tolul u daken e Burey ni Zion; bay yan lungun u Jerusalem ni bod lingan e dirra’; me rur e but’ nge lanelang. Machane bayi n’uf SOMOL e girdi’ rok.

Jeremiah 2:17

Israel, i gur e kam girengiy e biney e pa’ nga dakenam! Ya mu pi’ keru’um ngog, I Gag SOMOL ni Got rom, fa ngiyal’ ni gu be pow’iyem i yan u daken e kanawo’.

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

1 Timothy 1:1

Re babyor ney e yib rok Paul ni ir reb e apostel rok Kristus Jesus. I Got ni ir e ma runguydad nge thapegdad ngak nge Kristus Jesus, ni ir e ke l’agan’dad ngak e ra turguyew ni nge mang reb e apostel —

Acts 28:20

Aram fan ni kug wenignag ni ngug guymed nge yag ni gu non ngomed; ya ka nin’ e re chen ney ngog ni bochan fa’anem ni ir e be pagan’ yu Israel ngak.”

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Ezekiel 36:32

Israel, gu ba’adag ni ngam nanged ni gathi nggu rin’ urngin e pin’ey ni bochmed. Gu ba’adag ni ngar mu tamra’gad mi gimed thamiy fenmed thiyar u wan’ e girdi’ ni bochan e n’en ni gimed be rin’. I Gag SOMOL ni Th’abi Tolang e gu be yog e pi thin ney.”

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

Jeremiah 17:17

Dab mmang marus ngog; I gur e gil’ e pagan’ rog ko ngiyal’ nike yib e oloboch.

Jeremiah 17:5

SOMOL e ga’ar, “Bay gu gechignag e en nra pi’ keru’ ngog kemang girdi’ e ke tay e pagan’ rok nga daken, ni gelngin e girdi’ nra yim’ e bay rok.

Proverbs 14:14

Girdi’ ni kireb e ra sul taban e kireb rorad ngorad. Girdi’ nib manigil e yad ra fek puluwon e gafarig rorad ni bfel’.

Proverbs 10:7

Pi’in manigil e yad ra par ni bod ba tow’ath uwun’uy, machane pi’in kireb e dabi n’uw nap’an mi ni pagtilrad.

Psalms 97:7

Ra tamra’ urngin e pi’in yad ma tayfan e pi liyos; gubin e got ni yad ra siro’ u p’eowchen SOMOL.

Psalms 22:4

Pi chitamangimad e ur pired nib pagan’rad ngom; ur pired nib pagan’rad ngom mu’um yororiyrad.

Psalms 71:5

SOMOL nib Th’abi Tolang, i gur e ke l’agan’ug ngom; ke pagan’ug ngom ni ka nap’an ni kugub bitir.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Jeremiah 19:4

Bay gu rin’ e ren’ey ya girdi’ nu roy e ka ra n’iged gag ma kar ta’ay niged e gin’ey ko incense ni yad be urfiy ngar pi’ed ngak yugu boch e got, ni bogi got ni mus ngorad, ara pi chitamangirad, ara pi pilung nu Judah ma dar nanged murung’agen. Ka ra suguyed e gin’ey nga racha’en e girdi’ ndawori bucheg ban’en,

Jeremiah 50:7

Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’

Ezekiel 13:9

I gag e nggu gechig nagmed e pi profet ni de rriyul e tiromed e changar, ma go’ ban e yi’iy ni gimed be tay. Dab mu’uned ngaram ko ngiyal’ nra mu’ulung e girdi’ rog ni ngar purpuruy’ gad; fithingimed e dabi un ngalan babyoren e girdi’ nu Israel; dakriy bi’id ni gimed ra sul ko nam romed. Ma aram e bay mu nanged ni Gag fare SOMOL ni Th’abi Tolang.

Zekariah 9:12

Mu sulod, e pi kalbus u wuru’ e nam ya chiney e ke yib e l’agan’ romed; mu sulod ko nam romed ndabki buch ban’en romed. Chiney e gu be yog ngomed ni bay gu fulweg ngomed e pi fel’ wa’athan ni l’agruw yay nib yo’or ko pi gafgow ni ku’um ted.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Psalms 69:29

Ku gum’ ko amith nge ngochngochan’; A Got, mu chuwegeg u fithik’ ngam mat’aw nigeg!