Jeremiah 15:15 - Bible Ni Thothup

¹⁵ Ma aram mug ga’ar, “SOMOL, i gur e ga manang. Mu leam nigeg ngam ayuwegneg. Pi’in ni yad be gafgow nigeg e ngam fulweg taban ngorad. Dab mu gum’an nigem rorad ngar li’edgag ngagum’. Mu leamnag ni yibe yog e thin nib kireb ngog ni bocham.

Jeremiah 15:15 Referans Kwoze

Jeremiah 12:3

Machane, SOMOL, I gur e ga manangeg; gur e ga be guy e n’en ni gu ma rin’ nge rogon fanam t’uf rog. Mu girengiy e pi girdi’ nib kireb ney nga orel ni bod e saf ni ngan li’ ngem’; mu matanagiyrad nge mada’ ko ngiyal’ ni ngan thang e pogofan rorad.

Luke 21:17

Ma gubin e girdi’ ni bay ra fanenikayed gimed ni bochag.

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

Jeremiah 17:16

Machane SOMOL, gathi gu be towasar ngom ni ngam girengiy e riya’ nga dakenrad; da gu finey bangiyal’ ni ngar gafgow gad. SOMOL, I gur e gamnang e ran’ey, gamnang ko mang e u gog.

Nehemiah 13:22

Mu gog ngak e pi Levite ni ngar be’ech nigedyad mranod ra matnagiyed fapi garog ngar guyed ngi i par e Sabbath nib thothup. A Got ku dab mupag talin e biney ni kug rin’ mag teg ndabi buch ban’en rog ni bochan e t’ufeg rom nrib ga’.

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Jeremiah 20:8

Ra gu welthin ma gu be non ni ba ga’ lamag ni gu be tolul ni gu be ga’ar, “Modyargal! Riya!” SOMOL, yibe minmin ngog ma yibe moning ngog ni gubin ngiyal’, ni bochan e gu be yog e thin rom.

Psalms 119:84

Uw n’umngin nap’an ni thingar kug son? Mingyal’ e bay mu gechignag e pi’in yad be gafgow nigeg?

Psalms 106:4

SOMOL, dab mu pagtalig ko ngiyal’ ni ga ra ayuweg e girdi’ rom, mu unegeg ngorad nnap’an ni ga ra ayuwegrad.

Nehemiah 5:19

Got, gu be meybil ngom ni ngam tay fenamyan ko urngin e pin’en ni ku gu rin’ ni bfel’ ni fan ngak e pi girdi’ ney.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

2 Korinth 5:11

Kad nanged fan ni nge yib madgun Somol u wun’dad, aram fan ni gamad be taymad ngak e girdi’. I Got e ri manangmad, ma gu be finey ni kam nanged lanin’ug.

Roma 12:19

Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, “Be ga’ar Somol, ke milfan ngog, ni gag e bay gu fulweg taban e kireb.”

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Jeremiah 15:10

Ba gel e gafgow ni gu be tay! Mang ni gargel nigeg e chitinag ngalan e biney e tamilang? Dabisiy ni nggu tugthin mu gu malu’ag thin ngak urngin e girdi’ ko re nam ney. Dawor gu pi’ e salpiy ngak be’ ni nge maruwel ngay nge mu’ me fulweg ngog, ma dawor gu ning e salpiy ku be’ nggu maruwel ngay nge mu’ mu gu fulweg; machane urngin e girdi’ ni yad be yibil ni yigi buch ban’en rog.

Isaiah 38:3

“SOMOL, dab mu pag talin ni ri gub yul’yul’ u rogon ni ug pigpig ngom ma urngin ngiyal’ ma ug guy rogon ni nggu rin’ e n’en ni ga ba’adag ni nggu rin’.” Me tabab ko yor ni almarin.

Psalms 102:24

A Got, dab mu fekeg e chiney ni dawor gu pilbithir. A SOMOL, gur ga ma par ni dariy n’umngin nap’am;

Psalms 39:13

Mu pageg nggu par rog nge yag ni yiggu felfelan’ bochu’uw u m’on ni nggum’ nggu chuw.

Psalms 17:3

Ga manang lanin’ug. Kamub ngog nnep’; ka mu sikeng nigeg ni polo’ ma dam pir’eg ba ar ar ni kireb u fithik’ag. Da gur ma yog ban’en nib kireb,

BABYOR NI JOB 10:7

Ga manang nde buch e rog, ma dariy be’ nrayag rok ni nge ayuwegneg u pa’am.

Nehemiah 13:31

Mu gog ngal’an ni ngu’un fek i yib e l’ud ni fen e maligach ni mo’oruf, nge girdi’ ni ngi i fek e tin nga’on e grain rorad ni maligach nge tin som’on nike lol u wom’ngin e gek’iy rorad. A Got, dab mu pagtalin gubin e pin’ey, ma ga tow’ath nigeg riy.

Nehemiah 6:14

Mu gu meybil ni lungug, “Got, mu tay u wun’um e n’en nike rin’ Tobiah nge Sanballat ngam gechignag row. Ma dabi m’ay u wun’um fare pin i Nodiah nge gubin e profet ni yad be guy rogon ni ngar k’aringed e marus ngog.”

Roma 8:35

Rogon ni gadad ba t’uf rok Kristus e mini’ e rayag rok ni nge daregdad riy? Gur rayag rok e magafan’, ara n’en nma yib ngodad nib mo’maw’, ara gafgow ni yima tay ngodad, ara uyongol, ara gafgow ni yima tay, ara ban’en ni yira riya’ riy, ara yam’?

Judges 16:28

Me meybil Samson ni ga’ar, “SOMOL ni Th’abi Tolang, wenig ngom, mu leam nigeg; wenig ngom i gur Got, mu pi’ gelngig e t’ayaney, nggu maruwel ngay e ta’yaney nggu fulweg ngak piyu Filistia labgen lan owcheg nruw raba’.”

Psalms 44:22

Machane bocham ma aram fan ni gamad e pitapigpig rom e yibe li’mad ni gubin ngiyal’, kan ta’mad ni bod e saf ni ngan thang e fan rok.

Jeremiah 15:20

Bay gu gagiyeg nigem ngam par u puluwrad ni ga bod bangi rungrung nib el nni ngongliy ko wasey ni bronze. Bay ur bad ra chamgad ngom, ma dabiyag ni ngar gelgad ngom. Bay gu un ngom ngu’ug yoror rom ngam par ndabi buch ban’en rom.

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Jeremiah 18:23

Machane, SOMOL, gur e ga manang ni yad be makath nigeg ni ngar li’edgag nggum’. Dab mu n’ag fan u wun’um e kireb rorad; dab mu n’ag fan u wun’um e denen rorad. Mun’rad nga but’ mag gechig nagrad e ngiyal’ ni ga ba damumuw.”

Lamentations 3:64

“SOMOL, mu gechig nagrad ko tin karrin’ed.

Lamentations 3:66

Ngam tulufrad ngam thirifrad u daken e fayleng!”