Jeremiah 14:17 - Bible Ni Thothup

¹⁷ I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 14:17 Referans Kwoze

Jeremiah 8:21

Ke maad’ad lanin’ug ni bochan e girdi’ rog ni ka ra gafgow gad; gu be yor; kari gafgow an’ug.

Lamentations 2:13

Ah Jerusalem, gur nri gab t’uf, mang e ku rayag ni nggog? Urogon ni nggu faleg’ lanin’um? Dariy be’ ni ka’ayib ba gafgow ngak ni bod e biney. Ya gafgow rom e ba to’ar ni bod lan e regur; ke math e liyab ngom.

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Mikah 6:13

Ere chiney e kug tabab ni nggu gafgow nagmed mu gu thirifmed u but’, ni bochan e pi denen romed.

Lamentations 2:18

Jerusalem, mu pag e pi rungrung rom ngar yorgad ngalang ngak SOMOL! Mu pag lu’am nge map ni bod e lul’ ni be yan e ran riy ni nnep’ nge rran. Nge aw parwom ko meyor nge gafgow ni ga be tay.

Jeremiah 10:19

Girdi’ nu Jerusalem e yad be yor ngalang ni yad be ga’ar, “Kaygi almarin e maad’ad ni kadted! Ma’ad’ad u dowdad e dabi fos. Ya ud leam niged ni irera’ ban’en nrayag nda athamgiliyed!

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Psalms 39:10

Mu tal i gechig nageg! Aram e nggum’ u marin e dumow rom.

Amos 5:2

Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Jeremiah 8:18

Gafgowan’ rog e dab kiyag i golnag; ku gu m’ar nga lanin’ug.

2 Kings 19:21

ni be ga’ar SOMOL, “Binaw nu Jerusalem e be minmin ngom i gur Sennakerib, ma be moning ngom.

Jeremiah 9:18

Be ga’ar e girdi’, “Mogned ngorad ngar gurgad nga ron’ed ba tangin e gum’eyag ni fenmad, nge mada’ ko ngiyal’ nike sug lan owchemad ko lu’, ma ke munur owchemad ko meyor.”

Jeremiah 18:13

Me ga’ar SOMOL, “Mu fithed urngin e nam ko bay reb e nam ni ka’a yigi yodoro’ fa dariy. Piyu Israel e rib kireb e n’en ni kar ngongliyed!

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.