Jeremiah 13:16 - Bible Ni Thothup

¹⁶ Mu mathangeluwol naged SOMOL, ni Got romed, u m’on ni nge fek e lumor i yib, ngam dol gad u daken e pi burey; ngu m’on ni nge pilyeg nge ngal’ ni rumug fare tamilang ni be lagan’med ngay.

Jeremiah 13:16 Referans Kwoze

Isaiah 59:9

Girdi’ e be ga’ar, “Chiney e kadnanged fan ni de aywegdad Got rok fa pi’in yad ma gafgow nagdad. Gadad ma athpeg ni ngdarod u fithik’ e tamilang, machane kemus ni go’ lumor e bay,

Isaiah 8:22

ara ra lik’athgad nga but’ ma kemus ni gafgow nge rumug e yad ra guy, nib rumug nib gel e marus riy ni ir e yibe tulufrad nga fithik’.

Isaiah 60:2

Yugu boch e nam e bay ra pired u fithik’ e lumor, Machane gur e bayi gal ram’en SOMOL nga dakenam; Ir ni bay rom e bayi gal ram’en rom!

Isaiah 5:30

Ra taw ko rofen nem, ma yad ra tolul nga daken yu Israel ni bod feni ga’ lingan e day. Mu changar ko re nam ney! Ke lumor nike gafgow! Tamilang riy e dakriy nike ful’ e lumor.

Proverbs 4:19

Machane, fare pa’ i kanawo ko girdi’ ni kireb, e bod feni rumug e nep’. Bay ur dol’gad, machane dab ra guyed ko mang e be tun ayrad ngay.

Joshua 7:19

Me ga’ar Joshua ngak, “Fakag, mog e tin riyul’ u roy u p’eowchen SOMOL, ni Got nu Israel, mu weliy e kireb rom. Mog ngog e chiney e n’en kam rin’. Dab mu guy rogon ni ngam mithag rog.”

Jeremiah 23:12

Yu pa’ i kanawo’ ni yad be lek e bayi tamasirgig me rumug riy; bay gu gagiyeg nagrad nge tun ayrad ngar paraw gad. Bay gu fek e riya’ i yib ngorad; ngiyal’ ni ngan gechig nagrad riy e be yib. I Gag SOMOL e kugog e pi thin ney.

Jeremiah 4:23

Gu sap ko fayleng ma dakriy woton u but’; lanelang e dakriy ban’en ni be mat’ riy.

Psalms 44:19

Machane ka mu pagmad u fithik’ e gamanman ni malboch ni de yag ni nggu ayweged gamad; kam digeymad u fithik’ e rumug.

1 Samuel 6:5

Thingar mu ngongliyed ya’an e bir ni be gafgow nagmed nge boro’ ni be tagannag ban’en u lan e nam romed, ma thingar mu ted fan fare Got nu Israel. Sana ra tal ndabki gechig nagmed nge pi got romed nge nam romed.

Exodus 10:21

Me ga’ar SOMOL ngak Moses, “Mpug pa’am ngalang, ngari talumor daken yu Egypt nrayag ni ngan thamiy.”

1 Peter 2:8

Ma ku bayang e babyor nib thothup e be ga’ar, “Ireray fare malang ni bayi tun ay e girdi’ ngay, ni fare war ni bayi dol’ nagrad.” Kar dol’gad ni bochan e de michan’rad ko thin rok Got; aram e tin ke leamnag Got ngorad.

John 12:35

Me fulweg Jesus ngorad ni ga’ar, “Bayi par fare tamilang u fithik’med nib n’uw boch nap’an. N’en ni gimed be rin’ e ngam rin’ed ko ngiyal’ ni kabay e tamilang romed, nge dabi yib e lumor nga dakenmed; ya cha’ nma par u fithik’ e lumor e der nang e gin ni be sor ngay.

Lamentations 4:17

Gu changar gu changar niged e ayuw nge daki tael e changar romad made taw e ayuw. Kug pired ni gamad be son nag e ayuw u ba nam ni dariy rok ni nge pi’.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.

Jeremiah 8:15

U da namaged e gapas nge ngiyal’ ni ngad golgad, machane de yag; marus e yib.

Eklesiastes 11:8

Ngi i felan’um ko gubin e duw ni ga be par ni gabfos. Ndemturug n’umngin nap’an nra um par, ma dabi m’ay u wunum’ ni ga ra yim’ ma ka ba n’uw nap’an ni ga ra par ni gab yam’. Dariy ban’en ngabang ni nge lagan’um ngay.

BABYOR NI JOB 3:5

Mu tay ni reb e rran nib lumolang ma rib talumor; mu upunguy ko manileng ma ga thang e yal’ riy.

Psalms 107:10

I par boch i yad u fithik’ e lumor u kalbus, ya kar pired ni yad e kalbus ni ka nin’ e chen ngorad yad be gafgow,

Psalms 107:14

Ke chuwegrad u fithik’ e lumor u kalbus, me th’ab e chen ni ka ni m’ag ngorad.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Jeremiah 6:21

Ere bay gu gagiyeg nagrad nge tun ayrad ngar dol’gad. Pi gal labthir nge bitir e bay ram’ad, ma ku er rogon e pi tafager rorad nge pi’in yad bbuguliyoror.”

Jeremiah 50:6

“Girdi’ rog e yad bod e saf ni pi’in ma gafaliyrad e ra paged yad ngar malobochgad u lan e pi burey. U ra derawgad ni bod e saf u reb e burey nga reb, ni da ku ra nanged e gin bay taferad riy.

Ezekiel 21:15

Ma waliy e girdi’ rog nge mulan’rad miyad dol’. Bay gu k’aring e marus ko binaw rorad ko fare gi saydon ni be mat ra’en ni bod e uluch, nib fal’eg rogon ni nge cham.

Ezekiel 34:12

ni rogon ni ayuweg ba tagafaliy e saf e saf rok nra weargad miyad sul nga ta’bang bayay. Yungi n’en nra weargad ngay ko fa rofen ni yib e gafgow nrib gel e bay gu wan gu fulwegrad riy.

Ezekiel 36:15

Fare but’ e dabki motoyil ko pi nam ni yad be moning nag nge girdi’ ni be mkak’aran’rad ngak. Fare but’ e dabki iring pifak fare nam. I Gag SOMOL ni Th’abi Tolang e gu be non.”

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Amos 5:18

Kar mu gafgow gad e pi’in gimed ba’adag ni nge taw fare rran rok SOMOL! Mang e bfel’ ko re rran nem ngomed? Ya reb e rran nib rumug u pulwonmed, ma gathi tamilang.

Psalms 29:2

Ngan pining e sorok nga fithingan SOMOL nib th’abi fel’; ngan siro’ ngak en nib Thothup u nap’an nra m’ug.

Isaiah 59:10

ere gadad be gorbal ni bod e girdi’ nib malmit. Gadad be dol’ ni misiw, ni gowa ke nep’, ni gowa gadad bay u fithik’ e lumor ko fayleng ko yam’.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.