Jeremiah 12:6 - Bible Ni Thothup

⁶ Mus ngak pi walagem, nge pi chonggin e tabnaw rom, marban niged gur; ra uned ko togopluw ni yibe tay ngom. Dabi pagan’um ngorad ni mus ni fa’an yad be yog e thin ngom nib sumnguy.”

Jeremiah 12:6 Referans Kwoze

Proverbs 26:25

Rayag ni bfel’ e thin rok, machane dabi pagan’um ngak, ya laniyan’ e ba sug ko fananikan.

Jeremiah 9:4

Gubin e girdi’ ni dabisiy ni ngar kol ayuwgad ko pi fager rorad, ma dariy be’ nrayag ni pagan’ ngak pi girdi’en; ya gubin pibe’ rok ni yad ba sasalap, ma gubin e girdi’ nma tunguy e thin nga daken e fager rok nge kirebnag murung’agen.

Psalms 12:2

Yad gubin ni yad be ban nigedyad; yad be pi’rad ngalang ko thin.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Jeremiah 11:21

Girdi’ nu Anathoth e yad ba’adag ni nggum’, karoged ngog ni yad ra thang e fan rog ni fa’anra ku gu be wereg e thin rok SOMOL i yan.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Acts 18:12

Ma nap’an nturguy Gallio ni nge governor nu Roma u Greece, me mu’ulung piyu Israel ngar koled Paul ngar feked i yan ngalan tafen e pufthin.

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Psalms 69:8

Kug bod ba milekag ngak pi girdi’eg, gowa gu be’ u bang ngak e girdi’ ko tabnaw rog.

BABYOR NI JOB 6:15

Ma gimed ni fager rog, e gimed be ban nigeg ni bod yoch pa’ i lul’ ni mlik’ u ngal’an e yal’.

John 7:5

Ya mus ngak fapi pumo’on ni walagen Jesus nde mich Jesus u wun’rad.)

Mark 12:12

Ma pi’in yad be yog e thin rok piyu Israel e ra guyed rogon ni ngar koled Jesus ngar feked, ya kar nanged nike yog e re fanathin nem nib sor fan ngorad. Machane yad be tamdag ngak fapi girdi’ ni aram urngin nike mu’ulung, ma aram miyad digey ngranod.

Isaiah 31:4

I ga’ar SOMOL ngog, “Rogon ni dabiyag ni tuluf bogi tagafaliy e saf ba layon rok ba gamanman nike li’, ndemturug ga’ngin lamrad ni yad be tolul ni nge chuw, e aram rogon ndariy ban’en nrayag ni nge teg u urel, I Gag fare SOMOL ni Gubin ma Rayag Rok, ni nge dab ku gu yoror rok e Burey ni Zion.

Acts 16:22

Miki togopluw fapi girdi’ ni yo’or ngorow; me guchthuy fapi tolang e mad u daken Paul nge Silas, ma rogned ni ngan toyrow ko dumow.

Jeremiah 9:2

Gu be finey ni gomang e bay bang u daken ted ni desert ni gu ra par ngay ko gin gu ra palog ko girdi’ rog riy. Yad gubin ni derir yul’yul’gad, ba ulung i kireb.

Jeremiah 9:5

Yad gubin ni yad ma dum’puman ko fager rorad, dariy be’ nma yog e tin rriyul’. Ka ra filed nga balothrad ni ngi i ban; ma dab ra pithiged pa’rad ko denen ni yad be ngongliy. Ra bagyad ma ke par ni go’ ma’ngach e be tay, ma aram rogon e ngongol nike ul ul reb e sasalap nga reb. I SOMOL e be yog ni girdi’ rok e ka ra pi’ed keru’rad ngak.

Psalms 12:3

SOMOL, mu taleg e pi balwoth nem ni sasalap! Mu ning e pi langef ni ufanthin nem nma ga’ar,

Proverbs 23:8

Ga ra sull’ugunag e chu’uw ni kamkoy, ma urngin e thin ni bfel’ ni u mog e ke ma’adab.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”