Jeremiah 10:18 - Bible Ni Thothup

¹⁸ I SOMOL e nge yon’med nga wuru e re binaw ney; ni nge parsiymed nge taw ko ngiyal’ ndakriy be’ nra magey. I SOMOL e be non.

Jeremiah 10:18 Referans Kwoze

1 Samuel 25:29

Fa’anra cham be’ ngom ni be guy rogon ni nge li’em nga mum’, me SOMOL ni Got rom e bayi tem ndabi buch ban’en rom, ni bod be’ ni pumo’on ni be matnagiy ban’en nrib t’uf mab tolang puluwon. Machane pi to’ogor rom e bayi mangiyrad nga palog, ni bod rogon e malang ni gan e gawul rok be’ ni pumo’on.

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Ezekiel 6:10

Bay ra nanged ni Gag fare SOMOL, ma tin ni ug gineangrad riy e gathi yan i aw ni yug dariy.”

Jeremiah 23:20

Dabi m’ay nge yan i mada’ ko ngiyal’ nike mu’nag urngin e tin ke leamnag ni nge rin’. Tin bay e rran ni bay fini yib e bayi nang e girdi’ rok fan e pin’ey me tamilangan’rad riy.”

Jeremiah 16:13

Ere aram e bay gon’med nga wuru’ ere binaw ney nga daken reb e but’ ndariy bigmed ara pi chitamangimed ni manang murung’agen. Nu rom e bay um tedfan boch e got riy ni rran nge nnep, me gag dab ku gu dag e runguy rog ngomed.’”

Deuteronomy 28:52

Bay ra chamgad ngak urngin e binaw nu lan fare nam ni bayi pi’ SOMOL ni Got romed ngomed, ma pi yoror romed nib tolang ni fan ko mael nma pagan’med ngay e go’ ra puth.

Jeremiah 22:26

Nggu motogel ngom nge chitinam ngam kalbus gow u wuru’ e nam. Bay mmarow nga ba nam ni dariy bigmed nni gergeleg riy, ni aram e gin ngam’ow riy ni gimew l’agruw.

Zefaniah 1:17

Me ga’ar SOMOL, “Bay gu pag e gafgow nrib gel nge yib ngak e girdi’, nga uranod ni bod bmalmit ni be gay e kanawo’, ya kar denen gad nib togopluw ngog. Ere chiney e bay ni pu’og racha’rad nga but’ ni bod e ran, ma pi ldow rorad e bayi mel u but’.”

Isaiah 22:17

Sana gur be’ nib sorom, machane SOMOL e bay i chibiyem ngalang nge yon’em nga orel.