Jeremiah 10:12 - Bible Ni Thothup

¹² I SOMOL e ngongliy e fayleng nga gelngin; ni gonop rok e sunmeg e fayleng ngay me fil’ath lanelang.

Jeremiah 10:12 Referans Kwoze

BABYOR NI JOB 9:8

Dariy be’ ni ayuweg Got i pithig radan e tharmiy ara yotyot keru’ fare kan nu maday.

Genesis 1:1

Aram ko tabolngin ni tabab Got i sunmiy e fayleng nge urngin ban’en ni bay u lanelang,

Proverbs 3:19

I SOMOL e sunmiy e fayleng ko gonop rok; ma llowan’ rok e ayliy lanelang riy ngagil’.

Isaiah 40:22

Ke sunumiy e en ni bay nike par nga tagil’ u puluwon e fayleng ngalang ko gin nth’abi tolang; ma girdi’ ni yad bay u but’ e be guyrad ni yad bod ga’ngin nochi apurgog! Ir e filath lanelang ni bod bangi mad, ni bod ba tent ni ngan par ngay.

Kolose 1:16

Ya pa’ Kristus e sunumeg Got urngin ban’en ngay ni bay u tharmiy ngu but’, ntin yibe guy nge tin ndanir guy, nib mu’un e pi kan ni be gagiyeg ngay, ni tin ni pilung nge tin ni yad be yog e thin, nge tin yad be tay murung’agen ban’en. Pa’ Kristus e sunumeg Got ngay e gin’en ni ba’ urngin ban’en u lanelang riy nib mu’un e fayleng ngay, ni fan ngak Kristus.

John 1:3

Ni pa’ e sunumiy Got urngin ban’en ngay; dariy ban’en ni sunumiy Got nde un ngak ngar sunumiyew.

Psalms 24:2

I sunumeg nga daken fa yungi day nib to’ar ni bay u tan e but’, me filath e def riy u t’ay e rigur.

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 10:13

Ra pag SOMOL lungun me chub lingan e ran u lanelang; me girengiy e manileng u tungun e fayleng. Me mat ra’en e uluch u fithik’ e n’uw me pi’ e nifeng nge yan ko gin ma chubgiliy riy.

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Isaiah 48:13

Pa’ag e ngongliy e deaf ko fayleng me filath lanelang. Nap’an ni gu pining e fayleng nge lanelang ma kachingiyal’ nem miyow yib nga pe’owcheg.

Isaiah 45:18

I SOMOL e sunumiy lanelang, i ir e en ir e Got! I ir e sunumeg e fayleng, ke ngongliy rogon ke par. De ngongliy nge tay ni bangi ted ndariy ban’en riy ma der tugul ban’en riy, ya tay ni ngi i par e girdi’ riy. Ir e ga’ar, “I Gag e SOMOL, ma dariy yugu reb e got ngabang.

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Isaiah 42:5

Got e sunumiy lanelang me filath; me sunumeg e fayleng nge urngin e tin nib fos ni bay riy; me pi’ e yafos nge pogofan ngak urngin e girdi’ riy. Ma chiney e SOMOL ni Got e be ga’ar ngak e tapigpig rok,

Psalms 104:24

SOMOL, ri ba pire’ ban’en ni ka mu sunumiy! Ri gab gonop nga rogon ni mu sunumiy ni gubin! Ke sug e fayleng nga urngin e tin ka mu sunumiy!

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Proverbs 30:4

Gur bay be’ ni ka’a yan nga tharmiy kesul nga but’? Gur bay be’ nike kol e nifeng nga pa’? Gur bay be’ nike bachiy e day ngalan bang i mad fa ke duwgiliy e gin ni yan i mus e fayleng riy? Mini’ e cha’nir ni fa’anra gamnang? Mini’ be’ ni fak?

Psalms 119:90

Fanam yul’yul’ e ra par manechibog; I gur e mu ayliy e fayleng nga tagil’, me par.

Psalms 78:69

Me toy e Tempel rok u rom ni bod tafen u tharmiy; ni ngongliy nib mayluy ni bod e fayleng, ni dariy bingyal’ nra buch ban’en riy.

BABYOR NI JOB 26:7

Got e filath lanelang ko lel’och me the’ e fayleng ko dari’.

Psalms 104:2

ma kam par u fithik’ e tamilang. Kam filath lanelang ni gowa ba tent,

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Genesis 2:5

e dariy e woldug u daken e but’ ma dariy awochngin e woldug nike tugul, ya SOMOL ni Got e dawori pi’ e n’uw nge yib nga daken e but’ ma dariy be’ ni nge muruwliy e but;

BABYOR NI JOB 37:18

Mog rayag rom ni ngam ayweg Got i fileth lanelang nge par nib el ni bod e wasay ni kan gichiy?

Isaiah 37:16

“SOMOL, ni Gubin ma Rayag Rok, ni Got nu Israel, ni ga be par ngalang ko fare kerubim, kemus ni go’ gur Got, ni ga be gagiyegnag urngin e lung nu fayleng. I gur e mu sunmiy e fayleng nge lanelang.

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Jeremiah 27:5

“Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

1 Kronicles 16:26

Pi got rok gubin e pi nam e kemus ni bogi liyos, machane SOMOL e ir e sunmiy e pi tharmiy.

Psalms 65:7

Ga ma mocha’nag e day nike cham, nge lingan e n’ew ni be pil; ma ga ma gapasnag e wagey ni be tay e girdi’.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.