Jeremiah 1:1 - Bible Ni Thothup

¹ Re ke babyor ney e be weliy murung’agen e tin ni yog Jeremiah nge tin i rin’. I ir be’ nib mo’on ni fak Hilkiah, mi Hilkiah e ir reb fapi prist ko binaw nu Anathoth ni tafen Benjamin.

Jeremiah 1:1 Referans Kwoze

Ezekiel 1:3

U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.

Jeremiah 11:21

Girdi’ nu Anathoth e yad ba’adag ni nggum’, karoged ngog ni yad ra thang e fan rog ni fa’anra ku gu be wereg e thin rok SOMOL i yan.

2 Kronicles 36:21

Ma aram e n’en keyog SOMOL u daken Jeremiah ni profet nra buch e yib i m’ug nib riyul’: “Fare binaw e ngan n’ag ni dakriy be’ riy ni medlip i ragag e duw, ni fan ko toffan ko Sabbath nda ku ni fol riy.”

1 Kronicles 6:60

Mu lan fa gin tafen e Benjamin e ni pi’ e tin ba’aray e binaw riy ngorad nib mu’un yungi flang ngay ntagil’ e chugol gamanman: Geba, Alemeth, ngu Anathoth. Ma aram me yan i gaman e ragag nge dalip e yochi binaw ni fan ngak urngin e pi tabnaw rorad ni ngar pired riy.

Amos 7:10

I Amaziah ni ir e prist nu Bethel e yan i ga’ar ngak Jeroboam ni ir e pilung nu Israel, “Fa’anem i Amos e be makath nigem ngak e girdi’ nu Israel. Welthin ni be tay e nge kirebnag e re nam ney.

Amos 1:1

Pi thin ney e thin rok Amos, ni ir reb e tagafaliy e saf ko binaw nu Tekoa. I Got e yib i pi’ e re bugithin ni ba’aray ngak Amos ni l’agruw e duw nga m’on ko fare durru’ fa ngiyal’nem ni Uzziah e pilung nu Judah, mi Jeroboam, nib mo’on ni fak Joash e pilung nu Israel.

Isaiah 1:1

Re babyor ney e bay murung’agen yu Judah nge yu Jerusalem riy nrogon ni dag Got ngak Isaiah ni be’ nib mo’on ni Amoz e chitamngin, ko fa ngiyal’ ni Uzziah, nge Jotham, nge Ahaz, nge Hezekiah e ur pilunggad u Judah, nra chuw bagyad me yib bagyad nga luwan.

Isaiah 2:1

Ba’aray e thin ni pi’ Got ngak Isaiah ni be’ nib mo’on ni fak Amoz ni murung’agen yu Judah nge yu Jerusalem ni ga’ar:

Matthew 2:17

Ma aram me yib i m’ug nib riyul’ e tin ni yog Jeremiah ni profet ni ga’ar:

Matthew 16:14

Miyad fulweg ni lungurad, “Be ga’ar boch e girdi’ e John ni i tawfe, ma boch e girdi’ e be ga’ar e Elijah, ma boch e girdi’ e be ga’ar e Jeremiah, fa reb fapi profet.”

Matthew 27:9

Ma aram meb i m’ug nib riyul’ e tin ni yog profet Jeremiah ni ga’ar, “Kar feked fa guyey yang i salpiy ni wasey ni silber ni aram urngin e salpiy ni ta’reban’ e girdi’ nu Israel ngay ni ngan pi’ ni puluwon,

1 Kings 2:26

Ma aram me ga’ar Solomon ni Pilung ngak Abiathar ni prist, “Mu sul ko nam rom nga tafnam u Anathoth. Gur e rib fel’ ni nga mum’, machane dab gog ni ngan thang e fan rom e chiney, ni bochan e gur e um gagiyegnag fare Kahol ko M’ag rok SOMOL nnap’an ni um moy rok e chitamag i David, mu um un i chibiy urngin e tin ba mo’maw’ ni i yib ngak.”

2 Kronicles 35:25

Me tunguy Jeremiah ni profet ba dololoy’ ni fen Josiah ni Pilung. Ke mang ba yalen u Israel e ren’ey ni pi’in ma tang ni pumo’on nge ppin e ngu u ron’ed e re tang ney u nap’an ni yad be mowawnag. Re tang ney e yira pir’eg u fithik’ fapi dololoy’ ni ka ni kunuy kan yoloy nga babyor.

2 Kronicles 36:12

Me denen nib togopluw ngak SOMOL ma de sobut’nag ir nge motoyil ngak Jeremiah ni profet, ni ir e i yog e tin i yog SOMOL.

Ezra 1:1

Re duw i n’en ni som’on ni emperor Cyrus u Persia, me gagiyegnag SOMOL laniyan’ nge yog bbugithin nga ni yoloy nga babyor nga ni be’eg ngak e girdi’ u gubin yang ni be gagyegnag. Nrin’ e ren’ey ya nge yib i m’ug nib riyul’ e tin ni yog SOMOL u l’ugun Jeremiah ni profet.

Isaiah 10:30

Me tolul e girdi’ nu Gallim! Me mmotoyil e girdi’ nu Laishah! Me fulweg e girdi’ nu Anathoth!

Jeremiah 29:27

Mangfan ndam rin’ e biney ngak Jeremiah nu Anathoth, niki i non ko girdi’ ni bod ba profet?

Daniel 9:2

Bin som’on e duw ni mang pilung, e gag Daniel e ug be’eg fapi babyor nib thothup ngu’ug leamnag fa medlip i ragag e duw ni bayi par yu Jerusalem nike mogothgoth, ni bod rogon ni weliy SOMOL ngak Jeremiah ni profet.

Jeremiah 30:1

Fare SOMOL, ni Got nu Israel,

Jeremiah 37:12

Ma aram mu gu chuw u Jerusalem nggu wan ko gin tafen piyu Benjamin nggu fek e birog e f’oth ko binaw ni tafen e tabnaw rog.