James 5:8 - Bible Ni Thothup

⁸ Ere ku er rogomed nthingar mpired ni gimed ba gumaen’! Mpired nib muduwgilan’med ko n’en ke lagan’med ngay, ya chirofen ni nge sul Somol riy e ke chugur.

James 5:8 Referans Kwoze

James 5:9

Pi walageg ni girdi’en Kristus, dab um gun’gun’gad nib togopluw ngak bigimed, nge dabi turguy Got e gechig romed. Ya en nma puf oloboch e ke sak’iy nga langan e mab nike fal’eg rogon ni nge yib!

Galatia 5:22

Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’,

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

1 Peter 4:7

Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

Filippi 4:5

Mu sumunguygad ngak urngin e girdi’. Ya bay sul Somol ni dabki n’uw nap’an.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

2 Thessalonika 3:5

Nge pow’iy Somol lanin’med ngam nanged gelngin nri gamad ba t’uf rok Got nge gelngin e k’adan’ nma pi’ Kristus.

Roma 8:25

Machane fa’anra l’agan’dad nga ban’en ndariy guyed, ma ngu’ud son niged u fithik’ e gumaen’.

Psalms 130:5

Gu be son ni be oban’ug ko ayuw rok SOMOL, ma gu be par nib pagan’ug ko thin rok.

1 Thessalonika 1:10

ma gimed be sonnag Fak ni nge sul u tharmiy — ni Fak ni Jesus, ni Got e faseg ko yam’, me ir e ke chuwegdad ko damumuw rok Got ni bay fini yib.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Genesis 49:18

“SOMOL, gu be sonnag e ayuw ni bay mpi’.

Ezekiel 7:12

Ke taw nga nap’an. Nike chugur ko fare rran ni bayi m’ayfan e chuway’ nge falchuway’, ni bochan e gechig rok Got e bayi aw nga daken e girdi’ ni ta’reb rogon.

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

John 21:22

Me fulweg Jesus ngak ni ga’ar, “Fa’anra gub adag ni nge par nib fos nge yan i mada’ ko ngiyal’ ni bay gub riy, ma ngam kuni’eg? Um lekeg!”

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

James 5:3

Ma gol nge silber romed e ke ing e t’ay, ma re t’ay nem e bayi mang ba mich nib togopluw ngomed, me longuy e ufin u dowmed ni bod e nifiy. Ke yo’or ban’en ni kam kunuyed ko tin tomur ney e rran.