James 4:14 - Bible Ni Thothup

¹⁴ Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang.

James 4:14 Referans Kwoze

1 Peter 1:24

ni bod rogon ni be yog e babyor nib thothup ni be ga’ar: “Girdi’ ni gubin e yad bod e pan, ma urngin fel’ngirad e bod rogon e floras ko pan. Bay yim’ e pan, me mul e floras riy,

Psalms 39:5

Karim ngochnag nap’an e yafos rog! Dariy n’umngin nap’an e yafos rog u pulwom. Rriyul’ ni gubin e girdi’ nib fos e gowa ba wuchuth i nifeng,

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.

Psalms 102:3

Yafos rog e be m’ay ngabang ni bod e ath; ma be mo’oruf dowag ni bod ba nifiy.

James 1:10

ma en ni walagdad ni girdi’en Kristus ni be’ ni pire’ ban’en rok e thingari felan’, ya ke sobut’nag Got laniyan’. Ya cha’ ni pire’ ban’en rok e bay yim’ nge yan ni bod ba floras ni puf u ba ke floras ni bay u fithik’ e pan.

Psalms 89:47

Mu leamnag feni ngoch nap’an e yafos rog; mu leamnag ni mu sunumeg urngin e girdi’ nib mudugil ni yad ra yim’!

1 Peter 4:7

Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

Isaiah 38:12

Ya yafos rog e kan th’ab kemus, ni bod ba tent ni kan pilig nga but’, ni bod e mad ni kan th’ab ko fare n’en ni yima lifith e mad riy. Gu leamnag nike museg Got e yafos rog.

Psalms 78:39

Me yib ngan’ ni yad e kemus ni yad e girdi’, ni yad bod e nifeng ni thow me m’ay.

Psalms 144:4

Girdi’ e bod bbuchuth i nifeng; ni pi rran u pulwomad e bod bangi taglul’ ni be yan.

Proverbs 27:1

Dab mu uf ko tin ngam rin’ gabul, ya da mu nang e n’en ni bay yib u thilin e chiney nge gabul.

Isaiah 2:22

Dab mu tay e pagan’ rom nga daken e girdi’ nra yim’. Mang e yad bfel’ ngay?

2 Samuel 19:34

Machane me ga’ar Barzillai, “Dabki n’uw nap’an ni nggu par ko biney e tamilang; ere dakuriy fan ni nggu un ngom nga Jerusalem.