James 2:25 - Bible Ni Thothup

²⁵ Taareb rogon ko fare pin i Rahab nma chuway’ ngak. I mat’aw ngak Got ni bochan e ngongol rok ni fa’ani fek fapi cha’ nu Israel nga naun rok, ni fapi cha’ nrabad ni mol’og me ayuwegrad ngar chuwgad ngar sulod u yugub pa’ e kanawo’.

James 2:25 Referans Kwoze

Hebrews 11:31

Rahab nma pi’ ir nchuway’, e michan’ rok ngak Got e tay Rahab nde un ngak e pi’in nli’rad ngarm’ad, ni pi’in nda ur folgad rok Got, ni fan e fek fa gali damit nga tafen nge ayuwegrow.

Joshua 2:15

Rahab e ma par u lan ba naun ni kan toy nga fithik’ fare yoror ni malang ko re binaw nem, me nguchruy ba tal u winda rok nge yan u ba’ ni wuru’ e yoror ko fare binaw nga but’ nge yan fa gali mo’on riy nga but’.

Joshua 2:4

Ma aram e ke fek e re pin nem fa gali pumo’on ke mithagrow, me fulweg ni ga’ar, “Ke yib l’agruw i pumo’on nga tabinaw rog, machane da gu nang ko uw e rabow riy.

Joshua 6:17

Re binaw nem nge urngin ban’en ni bay riy e kan turguy ni ngan kirebnag ni nge mang ba maligach ngak SOMOL. Kemus ni fare pin i Rahab nma chuway’ ngak, nge girdi’en e tabinaw rok e dab ni bit’ ngorad, ni bochan e mithag fa gali mol’og rodad.

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Matthew 21:31

Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.

Matthew 1:5

me Salmon e chitamngin Boas (me Rahab e chitiningin); me Boas e chitamngin Obed (me Ruth e chitiningin); me Obed e chitamngin Jesse;

James 2:22

Damur guy? Michan’ rok ngak Got nge ngongol ni rin’ e peth nge maruwel u ta’bang; me yan i aw e michan’ rok ngak Got nike fel’ rogon u daken e ngongol ni rin’.

James 2:18

Machane bayi ga’ar be’, “I gur e bmich Got u wun’um me gag e gu be rin’ e ngongol riy.” Machane fulweg rog ngom e, “Mu dag ngog rogon nrayog ni nge mich Got u wun’um nde cheag e ngongol rom ngay, mu gu dag ngom e michan’ rog ngak Got ko ngongol rog.”

Joshua 2:6

Machane fare pin e ke yan i tay row nga daken e chigiy ko naun rok, ke mithagrow nga fithik’ e flax nike tay ngaram ni nge mlik.

Joshua 2:16

Me ga’ar ngorow, “Marow ko gin bay e burey riy, ya ra piri’egmew fapi pumo’on nike l’oegrad e en ni pilung. Ngam mithgow u rom ni dalip e rran nge mada’ ko ngiyal’ ni kar sulod ngaray. Ma aram mfin gimew yan.”

Acts 17:7

ma ke tayrad Jason u lan e naun rok. Yad gubin ni yad be th’ab e motochiyel rok e Emperor nu Roma, ni fan e yad be yog ni kabay reb e pilung ngabang ni Jesus fithingan.”

James 2:24

Ere kam guyed nma mat’aw be’ ngak Got u daken e ngongol rok, ma gathi kemus nu daken e michan’ rok ngak Got.