James 1:4 - Bible Ni Thothup

⁴ Machane ngam guyed rogon ngam k’adedan’med nge mada’ ko tomur ndab mmulgad, nge yag ni mmarod mu pired ni kam yal’uwgad, ni aram e ke yan i mus nga rogomed ndakuriy ban’en nda mu gamangad riy.

James 1:4 Referans Kwoze

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

Matthew 5:48

Ere thingar mpired ni gimed ba yal’uw — ni bod e Chitamangimed ni bay u tharmiy nib yal’uw!

2 Timothy 3:17

ya en ni be pigpig ngak Got e nge par nike bung rogon nrayag ni nge rin’ urngin mit e ngongol ni bfel’.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

Galatia 6:9

Ere dabi chalbadad i ngongliy e ngongol ni bfel’; ya fa’anra dab da paged gadad, ma bay nap’an ni bayi taw ngay ma gadad t’ar wom’ngin.

Psalms 40:1

Gu son gu sonnag e ayuw rok SOMOL; me motoyil ngog me rung’ag lamag ni gu be wenig ngak ni nge ayuwegneg.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

James 3:2

Gadad gubin ni ba ga’ ni gadad ma oloboch. Cha’ nder ma oloboch ko tin ma yog e be’ nrib yal’uw, ni ku rayag rok ni nge gagiyegnag ir.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

1 Korinth 2:6

Machane tin nib gonop e thin e gu ma weliy ngak e pi’in ke taw nga nap’an ni ngar rung’aged. Machane gathi fare gonop nib milfan ko re fayleng ney, ara ngak e pi pilung ni be gagiyegnag e girdi’ ko re fayleng ney — ni bogi pilung ni be m’ay gelngirad i yan.

Kolose 4:12

I Epafras, ni gimed nga baraba’ me ir reb e tapigpig rok Kristus Jesus e be ga’ar e nge felan’ Got ngomed. Gubin ngiyal’ nri ma pi’ e meybil romed, nma wenig nagmed ngak Got ni nge ayuwegmed ngam pired ni gimed bmuduwgil me ilal e leam romed nrogon girdi’en Kristus, ma kari muduwgilan’med, ma gimed be rin’ e tin nib m’agan’ Got ngay.

Luke 8:15

Ma awoch ni wear nga daken e but’ nib yong’ol e be yip’ fan e pi’in nrung’aged e thin rok Got miyad tay u lanin’rad ngu’ur folgad riy me par rorad nge yib wom’engirad.”

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

Proverbs 4:8

Nge t’uf rom e gonop, ya ir e ra gel nigem. Mu gamuchmuch ngak, me tolang nagem.

2 Peter 1:9

Machane en ndariy e pin’ey rok e rib ngoch e changar rok ndabiyag ni nge guy ban’en, ma ke pag talin ni kireb ni i ngongliy kakrom e ka ni maluknag rok ke chuw.

John 17:23

ni gu bay u fithik’rad ma ga bay u fithik’ag nge yag ni ngar pired ni kar ta’rebgad, nge yag ni nang e girdi’ nu fayleng ni gur e kam l’oegeg ku gub ma yad ba t’uf rom ni bod rogon ni gub t’uf rom.

Luke 18:22

Ma fa’ani rung’ag Jesus ni aram rogon me ga’ar ngak, “Ka bay ta’a ban’en ni ngam rin’. Mpi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

Mark 10:21

Me changar Jesus ngak nike runguy me ga’ar ngak, “Ka ba’ ta’a ban’en ndawori yag rom. Mman ngam pi’ ni chuway’ urngin ban’en ni ba’ rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

Matthew 19:20

Me fulweg fare mo’on ni kab pagel ni ga’ar, “Gu be fol ko pi motochiyel nir ni urngin. Ere mang e n’en ni kabay nthingar gu rin’?”

1 Thessalonika 5:23

I Got nma pi’ e gapas nga lanin’dad e nge ngongliymed ngari mpired ni kam manged girdi’en, me ta’ lanin’med, nge nangan’ romed, nge dowmed nib gilaf nga orel rok urngin e kireb nge yan i mada’ ko chirofen ni bayi sul e Somol rodad i Jesus Kristus riy.