Isaiah 9:20 - Bible Ni Thothup

²⁰ Girdi’ u ga’ngin yang u lan binaw e yad ma achbutheg e chu’uwi ggan ni yad be pir’eg, machane kiyad be par ni yad ba yam’ ko mak’iy. Mus ko bitir rorad ma yad be longuy!

Isaiah 9:20 Referans Kwoze

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Jeremiah 19:9

Bay gu gagiyegnag e girdi’ riy ngar longuyed e ufin u downgin pifakrad. Bay ra longuyed e pi’in yad bbuguliyoror ni bochan e gafgow ni bay ra ted ko ngiyal’ ni ba’aram ni bay yib e pi to’ogor rorad ngron’ed nga longob fare binaw rorad, ni aram e ngar feked miyad guy rogon ni ngar li’ed e girdi’ riy.

Lamentations 4:10

Riya’ ni yib ko girdi’ rog e girengiy e marus ni almirin i yib; pi matin nib t’uf pifakrad rorad e ra lithed pifakrad ngar longyed.

Isaiah 8:21

Girdi’ e bay uranod u lan e re nam ney nike mulan’rad ma karm’ad ko bilig. Ere bay ra damumuwgad ngu u rogned e thin nib kireb ngak e pilung rorad nge ngak e Got rorad. Yad ra sap ngalang,

Eklesiastes 4:5

yad be yog nib balyang be’ nike uchmiy pa’ ngak nge pag ir nge li’ e mak’iy.

Isaiah 3:1

Chiney e Somol, ni SOMOL ni Gubin ma Rayag Rok, e nge fek rok yu Jerusalem nge yu Judah gubin ban’en nge urngin e pi’in nma pag e girdi’ e taga’ ngorad. Me chuweg garad nge ran rorad,

Isaiah 8:22

ara ra lik’athgad nga but’ ma kemus ni gafgow nge rumug e yad ra guy, nib rumug nib gel e marus riy ni ir e yibe tulufrad nga fithik’.

Isaiah 14:30

I SOMOL e bayi mang matnag rok e pi gafgow u fithik’ e girdi’ rok nge aywegrad ni dabi buch ban’en rorad. Machane bayi pi’ ba uyongol nib gel nge aw ngomed piyu Filistia, ma dabi pag bigmed nge par ni kabfos.

Isaiah 51:19

Ba l’agruw e riya’ nike aw nga dakenam: ke mogothgoth e binaw rom ko mael, ke yim’ e girdi’ rom ko blig. Ma dariy be’ ni be dag nike magfan’ ngom.

Jeremiah 13:14

Aram e bay gu chafnegrad nga ta’bang ni pi’lal nge fel’ yangren, ni bod e melor nchafneg reb nga reb, dariy ba kireban’ ara ba marnguy nra talegneg ni nge dabkug thang e pogofan rorad.”

Mikah 6:14

Bay um abichgad, machane damur fosgad. Bay um pired niki gimed ba yam’ ko bilig. Gimed ra fek boch ban’en, ma dabi magach u pa’med. Demturug e tin gimed ra cha’riy, ma gu ra kirebnag u fithik’ e mael.

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Isaiah 10:4

Bay ni li’med ngam m’ad u fithik’ e mael ara ni girngiymed i yan ni gimed ba kalbus. Ma damumuw rok SOMOL e daworimus; ma pa’ e bayi par ni ka ba k’iy ni nge gechig.

Zekariah 11:9

Ma aram me lungug ko fare ran’ i saf, “Arme dab kug gafaliymed bingyal’. Tin nge yim’ e ngan pag nge yim’. Tin nge kireb e ngan pag nge kireb. Ma tin ni magach nib fos e bay ra chelgad ngorad ngu’ur li’edrad.”

Mark 3:24

Fa’anra ruw raba’nag reb e nam ir ngar chamgow ngorow, ma bmuduwgil ni nge kireb fare nam.