Isaiah 9:2 - Bible Ni Thothup

² Girdi’en fare nam ni uranod u fithik’ e lumor e ka ra guyed ba tamilang ni ba ga’ ram’en! Ur pired u lan ba nam u fithik’ e rumug ni yam’, machane chiney e ke gal e tamilang nga dakenrad.

Isaiah 9:2 Referans Kwoze

Matthew 4:16

Girdi’ ni yad be par u fithik’ e lumor bay ra guyed ba tamilang ni ba ga’! Nga daken e pi’in be par u fithik’ e lumor ko nam ni yam’, e ke puf e woch u ba tamilang nib ga!”

Efesus 5:8

Ya gimed ma um moyed u fithik’ e lumor, machane nap’an ni mmanged girdi’en Somol ma gimed be par u fithik’ e tamilang. Ere thingar um ngongolgad ni bod rogon e girdi’ nib mil suwrad ko tamilang,

John 12:46

Ku gub nga fayleng ni gag e tamilang, ni urngin e girdi’ ni gu ra mich u wun’rad e dab kur pired u fithik’ e lumor.

John 8:12

Me non Jesus bayay ngak e girdi’ ni ga’ar, “I gag e tamilang ko girdi’ nu fayleng. En nra i lekeg e ke yag e tamilang ko yafos ngak ma dabki yan u fithik’ e lumor bi’id.”

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Luke 2:32

ni ir e tamilang ni nge dag e kanawo’ rom ngak e pi’in gathi yad piyu Israel, me gilnag buguwan e girdi’ rom ni piyu Israel.”

Isaiah 60:19

“Ma gathi ku yal’ e bay i yib ram’en ngom ni rran Ara yib ram’en e pul ngom ni nep’; I Gag SOMOL e bay gu mang tamilang ngom ni manemus; Ram’en e fla’ab rog e bayi gal nga dakenam.

Psalms 107:10

I par boch i yad u fithik’ e lumor u kalbus, ya kar pired ni yad e kalbus ni ka nin’ e chen ngorad yad be gafgow,

Psalms 23:4

Mus ni fa’anra ra yan e ra pa’ i wo’ nem u fithik’ e rumug ni yam’, ma dab gu tamdag, ya ga bay rog! Gul rom nge sog rom ni ga ma gafaliy e saf ngay e be yororiyeg.

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Psalms 107:14

Ke chuwegrad u fithik’ e lumor u kalbus, me th’ab e chen ni ka ni m’ag ngorad.

John 12:35

Me fulweg Jesus ngorad ni ga’ar, “Bayi par fare tamilang u fithik’med nib n’uw boch nap’an. N’en ni gimed be rin’ e ngam rin’ed ko ngiyal’ ni kabay e tamilang romed, nge dabi yib e lumor nga dakenmed; ya cha’ nma par u fithik’ e lumor e der nang e gin ni be sor ngay.

Isaiah 9:1

Dariy kanawo’en miyad thay ko re gafgow ni bay yib e ngiyal’nem. Nam ko ganong rok Zebulun nge Naftali e un darifannag, machane bayi bingyal’ ma bay ni tay fan e re nam ney, ni tabab ko day ni Mediterranean me yan ko ngek nga ba’ nem e Jordan nge mada’ nga Galile ko gin be par girdi’en boch e nam riy.

Amos 5:8

I SOMOL e ngongliy e pi t’uf, ni fa gal ulung i t’uf ni Pleiades nge Orion fithingan. Ir e be pingeg e nep’ nge rran me pingeg e rran nge nep’. Ma pining e day u maday nge pu’og nga daken e fayleng. I SOMOL fithingan.

BABYOR NI JOB 10:21

Ke chugur ni nggu wan ma dab kug sul bi’id ngug wan nga ba binaw nib lumor ma ba kireban’uy riy,

Judges 5:30

“Ka yad be pir’eg e pin’en ni ngan kol ngan f’oth, nra reb e salthaw ma reb e bpin ara l’agruw, ma er i tay e mad nib tolang puluwon ni nge fanay Sisera, nge yungi mad ni ka nip’ ni bfel’ ya’an ni ngan fanay ni fan nga belel’ugun e en ni le’engin e pilung.”

Psalms 4:8

Nap’an gu ra thig nga but’, mu rug mol ni gu ba gapas; kemus ni gur, SOMOL, e ga ra aywegeg ni dabi buch ban’en rog.