Isaiah 9:10 - Bible Ni Thothup

¹⁰ “Naun ni rengga e ke puth nga but’, machane bay gu toyed bayay e pi naun nem ko malang. Ren ko sycamore e ka ni th’ab nga but’, machane bay gon’ed luwan ni tin th’abi fel’ e gek’iy ni cedar.”

Isaiah 9:10 Referans Kwoze

Malaki 1:4

Yu Edom, ni yad e pi’in owchen Esau, e fa’anra lungurad, “Pi binaw rodad e ka ni kirebnag, machane bay da ngongliyed nge sul nga rogon,” machane fulweg rok SOMOL ngorad e be ga’ar, “Ngani pagrad ngar muruwliyed, ya bay gu sul ngay nggu kirebnag bayay. Ma bayi yog e girdi’ fithingan e pi binaw nem ni Binaw Nib Kireb, ma ku bay ntunguy fithingrad ni, ‘Fare nam ni bay i par SOMOL nib damumuw ngorad ndariy n’umngin nap’an.’”

1 Kings 10:27

Ngiyal’ ni ba’aram ni i gagiyeg e i par e silber ni ta’reb rogon ko malang u wan’ e girdi’ nu Jerusalem, ma ren ni cedar e pire’ ni bod feni yo’or e ren ni sycamore.

Luke 19:4

Ma aram me mil nge yan i m’on rok fapi girdi’ ni pire’ me yan nga l’ugun ba ke gek’iy ni sycamore ni fan e nge yag ni guy Jesus ni bay yib nge yan ko gin’em.

Hosea 8:14

“Girdi’ nu Israel e kar toyed bogi tafen e pilung, machane kar paged talin e en ni sunmiyrad. Ma girdi’ nu Judah e kar toyed bogi binaw ni kan yaroriy ni fan ko mael, machane bay gu pi’ e nifiy nge urfiy fapi tafen e pilung nge fapi binaw rorad nga but’.”

2 Kings 16:9

Ma fulweg rok Tiglath Pileser ko wenig rok Ahaz, e yan nge pi salthaw rok ngar maelgad ngak yu Damaskus ngar koled, miyad thang e fan rok Rezin ni Pilung, mar feked fapi girdi’ nga Kir ni yad bogi kalbus.