Isaiah 8:9 - Bible Ni Thothup

⁹ Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

Isaiah 8:9 Referans Kwoze

Proverbs 11:21

Ngari mich u wun’um ni girdi’ ni kireb e yira gechignag, ma pi’in mat’aw e yad ra thay riy.

1 Kings 20:11

Me fulweg Ahab ni Pilung, ni ga’ar, “Mog ngak Benhadad ni bin riyul’ e salthaw e ra i yog nib sorok u tomuren e mael, ma gathi m’on riy.”

Isaiah 54:15

Ra cham be’ ngom ma gathigag e gu pi’ nge yib; ma en nra cham ngom e yira thirif u but’!

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Isaiah 28:13

Aram fan ni SOMOL e nge sukul nagmed ni tata’reb e yol, nge ta’ab thal e yol, nge murung’agen reb e ban’en nge reb. Ma aram e bayi tun aymed ni gubin yay ni gimed ra yif aymed. Bay um ma’adadgad, ma yibe kolmed ko wup, ma yibe fekmed ngam kalbusgad.

Jeremiah 42:11

Ngam taleged e marus ngak fare pilung nu Babylon. Gu bay romed, ma bay gu laegmed u tan gelngin.

Jeremiah 51:20

Be ga’ar SOMOL, “Gimed yu Babylon, e gimed e ama ni fanag, ni talin e cham rog ko mael. Gu ma maruwel ngomed nggu pirdi’iy e pi nam nge pi gil’ilungun e pi pilung,

Ezekiel 38:7

Mog ngak nge felfal’eg rogon me non ko yu raba’ i salthaw rok ngar felfal’eged rograd u tan lungun.

Joshua 11:5

Urngin e pi pilung ney nra pethgad nga ta’bang ngari gel gelngirad marbad ra pired nga charen fa chipa’ i lul’ nu Merom ni ngar chamgad ngak yu Israel.

Jeremiah 46:3

“I tolul e pi tolang ko salthaw nu Egypt ni be lungrad, ‘Falfal’eged rogon e shield romed ngam marod i yan ko mael!

Jeremiah 46:4

Mu flaged gafan e os romed mi gimed af nga daken! Mu k’afgad mi gimed tay e urwach romed nga lolugenmed! Mu uthumed e sarey romed! Mun’ed fare madan e salthaw ni wasay nga dakenmed!’”

Ezekiel 38:8

Tomuren boch e duw ma bay gol’oeg ni nge cham ngab binaw ni aram e gin kan kunuy e girdi’ ni kan fulweg u boch e nam ngay ni yad be par ni dariy loren e mael rorad. Bayi cham ko pi burey nu Israel, ni kan pag nike n’uw nap’an ni dakriy ban’en riy, machane aram e gin bay gubin e girdi’ riy ni yad be par u fithik’ e gapas.