Isaiah 8:22 - Bible Ni Thothup

²² ara ra lik’athgad nga but’ ma kemus ni gafgow nge rumug e yad ra guy, nib rumug nib gel e marus riy ni ir e yibe tulufrad nga fithik’.

Isaiah 8:22 Referans Kwoze

Isaiah 5:30

Ra taw ko rofen nem, ma yad ra tolul nga daken yu Israel ni bod feni ga’ lingan e day. Mu changar ko re nam ney! Ke lumor nike gafgow! Tamilang riy e dakriy nike ful’ e lumor.

Matthew 22:13

Ma aram me ga’ar fare pilung ngak fapi tapigpig rok, ‘Mm’aged pa’ nge ay nga mon’ed nga wuru’ e naun nga fithik’ e lumor. Ya aram e gin ni bay i yor riy ma be chachafin nguwelen.’ ”

Matthew 8:12

Ma pi’in nsusun e ngar pired ko gin nsuwon Got e bay nin’rad nga wuru’ e gin nsuwon Got nga fithik’ e lumor, ko gin ni bay ur yorgad riy ma be chachafin nguwelrad.”

Jeremiah 13:16

Mu mathangeluwol naged SOMOL, ni Got romed, u m’on ni nge fek e lumor i yib, ngam dol gad u daken e pi burey; ngu m’on ni nge pilyeg nge ngal’ ni rumug fare tamilang ni be lagan’med ngay.

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

BABYOR NI JOB 18:18

Bay ni tuluf nge yan nga wuru’ e nam rok e pi’in kabfos, bay ni tuluf ko tamilang nga fithik’ e lumor.

Matthew 24:29

“Nap’an ni yugu ra m’ay e re gafgow nem ko pi rran nem ma bayi talumor mit e yal’, ma dabki mat ram’en e pul, ma t’uf e bay mul u lanelang, ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

Jeremiah 23:12

Yu pa’ i kanawo’ ni yad be lek e bayi tamasirgig me rumug riy; bay gu gagiyeg nagrad nge tun ayrad ngar paraw gad. Bay gu fek e riya’ i yib ngorad; ngiyal’ ni ngan gechig nagrad riy e be yib. I Gag SOMOL e kugog e pi thin ney.

Isaiah 9:1

Dariy kanawo’en miyad thay ko re gafgow ni bay yib e ngiyal’nem. Nam ko ganong rok Zebulun nge Naftali e un darifannag, machane bayi bingyal’ ma bay ni tay fan e re nam ney, ni tabab ko day ni Mediterranean me yan ko ngek nga ba’ nem e Jordan nge mada’ nga Galile ko gin be par girdi’en boch e nam riy.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Revelation 16:10

Me pu’og fa bin lal e engel e ba’ rok e plet nga daken tagil’ fare gamanman. Me aw e lumor u daken fa gin nsuwon fare gamanman, me k’ad e girdi’ bolowthrad ni bochan e amith,

Isaiah 9:20

Girdi’ u ga’ngin yang u lan binaw e yad ma achbutheg e chu’uwi ggan ni yad be pir’eg, machane kiyad be par ni yad ba yam’ ko mak’iy. Mus ko bitir rorad ma yad be longuy!

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Isaiah 50:11

Gimed gubin e pi’in gimed ma makathnag ni ngam kireb niged boch e girdi’ e gimed e gimed ra gafgow ko pi makath romed. I SOMOL e ir e ra gagiyegnag nge yodro’; gimed ra gafgow ngarim bilged t’ay e gafgow.

Isaiah 59:9

Girdi’ e be ga’ar, “Chiney e kadnanged fan ni de aywegdad Got rok fa pi’in yad ma gafgow nagdad. Gadad ma athpeg ni ngdarod u fithik’ e tamilang, machane kemus ni go’ lumor e bay,

Exodus 10:21

Me ga’ar SOMOL ngak Moses, “Mpug pa’am ngalang, ngari talumor daken yu Egypt nrayag ni ngan thamiy.”

Exodus 10:22

Me pug Moses pa’ ngalang, me ri talumor daken yu Egypt ni ga’ngin ni dalip e rran.

Isaiah 50:3

Rayag ni gu gagiyegnag lanelang nge lumor, ni gowa ke kireban’ ngak be’ nike yim’.”

Isaiah 60:2

Yugu boch e nam e bay ra pired u fithik’ e lumor, Machane gur e bayi gal ram’en SOMOL nga dakenam; Ir ni bay rom e bayi gal ram’en rom!