Isaiah 8:19 - Bible Ni Thothup

¹⁹ Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Isaiah 8:19 Referans Kwoze

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

Levitikus 20:6

“Fa’anra yan be’ ni be ning e ayuw ngak e girdi’ nma non ko pi thagith, ma bay gu cheal nggu togopluw ngak ma dakriy bangyal’ ni gu ra leamnag ni ir reb e girdi’ rog.

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

Psalms 106:28

Ma aram e girdi’ rok Got e un i tayfan Baal u Peor miyad un i kay e maligach ni kan pi’ ngak e pi got ni yad ba yam’.

Levitikus 19:31

“Dab marod ngak e sothiw ni ngar pininged e thagith; ya fa’an gimed ra rin’ ma aram e kam ta’aygad nrogon ko motochiyel. I Gag fare SOMOL ni Got romed.

Isaiah 29:4

Yu Jerusalem e bay i bod ba kan ni be athamgil ni nge non u tan e but’, ni ba lam ni de matabgol ni be yib u fithik’ e ab ngalang.

Isaiah 19:3

Arme nggu wagageynag e tin ke tanomnag yu Egypt mu gu mulegan’rad. Bay rman ayuwgad ko pi liyos rorad, bay u ranod ko pi tapig ngu’ur fithed e thagith komang e bfel’ ni ngar rin’ed.

1 Samuel 28:8

Me piliyeg Saul ya’an; i yin’ e mad nga daken nib thil ya’an, ma fa’ani aw e lumor me un l’agruw e salthaw rok ngak ni ngranod ra guyed fare pin. Me ga’ar Saul ngak, “Mu fith e pi kan ngrogned ngom e n’en ni bayi buch ngamog ngog. Mu pining ya’an e re mo’on ni bay gog fithingan.”

Deuteronomy 18:11

ara ra fanayed falayin e fl’egyan’ fa adag; ara pong thagith.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

2 Kings 1:3

Machane me yog ba engel rok SOMOL ngak Elijah, ni fare profet nu Tishbe, ni nge yan i mda’nag fapi tamal’og rok Ahaziah ni Pilung nge fithrad, ni nge ga’ar, “Mangfan ni gimed be yan ni ngam fithed laniyan’ Baalzebub, ni got nu Ekron? Mogned, bochan e gimed be leamnag ndariy e got u Israel?

2 Kings 23:24

Bochan e ngan fol ko fapi motochiyel ni ka ni yoloy u lan fare ke babyor ni pir’eg Hilkiah ni prist nib th’abi tolang u lan e Tempel, me chuweg Josiah ni Pilung u lan yu Jerusalem ngu lan yu Judah urngin e girdi’ nma non e kan u dakenrad, nge pi’in yad ma yog ban’en ni kabay nga m’on ni bayi buch, nge pi thothupen e tabnaw, nge liyos ni yima meybil ngay, nge urngin ban’en ni yima tayfan yug boch e kan ngay.

1 Samuel 28:16

Me ga’ar Samuel, “Mangfan ni kam piningeg, ni er rogon nike n’igem SOMOL ma kam par ni gur e to’ogor rok?

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

1 Samuel 28:11

Me fith fare pin ngak ni ga’ar, “I mini’ e nggu pining ya’an?” Me ga’ar Saul, “I Samuel.”

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Acts 16:16

Bay reb e rran ni gamad be yan ko gin ni yima meybil riy, ma gamad mada’nag be’ ni bpin ni ir reb e sib ni keb i ying ba mo’onyan’ ngak nma yog e tin ni bay yib ban’en, ni bo’or e salpiy ni be yagnag ni fan ngak e pi’in nib milfan ngorad, ni bochan e ma yog ko girdi’ e tin ni bay yib ban’en,

Genesis 41:24

Ma fa yu punug i grain nib achig e ra ful’ed fa medlip punug nem nib gagang’. Kug weliy e re lik’ay ney ngak e pi’in ni tamerong, machane dariy bagayad nrayag rok ni nge weliy fan ngog.”

Isaiah 26:14

Chiney e karm’ad ma dab kur fosgad bayay; ya’al rorad e dab ku ra fosgad bayay, ni fan e gur e ka mu gechig nagrad ka mu thangrad. Dariy be’ ni ku yad ra yib ngan’ bi’id.

Isaiah 30:2

Kranod nga Egypt ko man ayuw ndar fithedgag ko mang e ngan rin’. Magan’rad ngay ni yu Egypt e nge yoror rorad, ere pilung nu Egypt e ir e ke pagan’rad ngak.

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Isaiah 47:12

Mu cha’riy urngin e pig rom nge bey; ni um muruwliy nnap’an ni ka gab bitir. Sana ra yib boch angin ngom; dabisiy nrayag ni nge tamdag e pi to’ogor rom ngay.

Isaiah 47:13

Gab me’waer nike mayfan e fanow ni yag ngom. Mu pag e pi’in yad ma bon ko t’uf ngarbad ra aywegned gur picha’nem ni yad ma fil murung’agen e t’uf, ni pi’in ma fal’eg babyoren e mathil ko pi tharmiy ma urogned ngom u reb e pul ngu reb e n’en ni bayi buch rom.

Jeremiah 27:9

Dab mu motoyilgad ngak e profet ara be’ ni be yog ni manang ko mang e bay nga m’on, ni demturug ko lik’ay ara ngan pining e thagith ko yam’ fa pig. Yad urngin ni bay rogned ngomed ni dab mu folgad ko n’en ni be yog e pilung nu Babylon.

Mikah 5:12

Bay gu kirebnag e pi pa’ e pig rom, ma dab gu pag reb e pi tamanbey rom.

Deuteronomy 18:10

Dab mu maligach niged pifakmed u fithik’ e nifiy u daken e altar romed; ma dab mu paged e girdi’ romed ngar uned ko bey ara chib; ara ur motokangad;

1 Samuel 28:7

Me ga’ar Saul ngak e pi tolang ni yad bay u tan pa’, “Mu guyed be’ ni bpin nib sothiw nggu wan ngak ko bay.” Miyad fulweg ngak ni lungurad, “Bay reb u Endor.”