Isaiah 8:18 - Bible Ni Thothup

¹⁸ Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Isaiah 8:18 Referans Kwoze

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Zekariah 8:3

Bay gu sul nga Jerusalem, ni fare binaw rog nib thothup, nggu par u rom. Re binaw nem e go’ bay nnang ni aram fare binaw nib yul’yul’, nge fare burey rok SOMOL ni Gubin ma Rayag Rok ni bay u nog ni fare burey nib thothup.

Psalms 71:7

Yafos rog e ke mang ba machib ko yo’or, bochan ni gur e rungrung ngog nib gel.

Zekariah 3:8

I gur Joshua ni fare Prist ni Th’abi Ga’, e ngam motoyil; ma gimed e prist ni pi chonggin e ngam motoyilgad, ni aram e gimed e pow ko tin nib manigil nga m’on: Bay gu gagyel nag fare tapigpig rog, ni yima pining fithingan ni Fare Pa’ngin!

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Psalms 22:30

pi mfen ni bay rabad e bay ra pigpiggad ngak; girdi’ e bay ra weliyed murung’agen SOMOL ngak e tin bay yib e mfen.

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 7:16

Ra dawori taw ko ngiyal’nem, ma nam ko gali pilung nem ni yow be k’aring e marus ngom e kann’ag.

Isaiah 14:32

Bu uw rogon ni ngad fulwegned e falweg ko pi mal’og nike yib ngodad u Filistia? Bay dogned ngorad ni SOMOL e ir e ngongliy rogon yu Zion ma girdi’ rok ni yad be gafgow e bay ra pir’eged e ayuw u rom.

1 Kronicles 23:25

Me ga’ar David, “I SOMOL ni Got rok yu Israel e ke pi’ e gapas ngak e tirok e girdi’, me ir e bayi par u Jerusalem ndariy n’umngin nap’an.

Hebrews 10:33

Bay yu ngiyal’ ni unog e thin nib kireb ngomed u fithik’ e girdi’ ma yibe ngongliy e ngongol nib kireb ngomed, ma bay yu ngiyal’ ni bayi n’en ma kam fal’eged rogomed ni ngam uned ngak e pi’in yibe yodoro’ nagrad ko gafgow.

Isaiah 7:3

Me ga’ar SOMOL ngak Isaiah, “Mu fek fare pagel ni fakam i Shear Jashub ngam marow ngam mada’gad Ahaz ni Pilung. Bay mpiri’egew u daken e kanawo’ ko fa gin ma maruwel girdi’en e mulmad riy, u taban ba wol’ e ran nma yib ko fare yibu’ ni bay nga talang.

Ezekiel 14:8

Bay gu togopluw ngak, mu gu tay nib fanow ngak e girdi’. Bay gu chuweg u fithik’ e girdi’ rog, ya ngam nanged ni Gag SOMOL.

Isaiah 8:3

Me ba ngiyal’ nga tomuren ma gamow par le’engig. Me diyen me gargel ni bochi pagel. Me ga’ar SOMOL ngog, “Mu tunguy fithingan ni ‘Fek Chugom u Fithik’ e Yargal nib Machreg.’

Genesis 33:5

Fa’ani sap Esau ni guy fapi ppin nge bitir, me fith ni ga’ar, “Mini’ e pi cha’nir ni kambad?” Me ga’ar Jakob, “Pi cha’ney e bitir nike runguyeg Got ke pi’ ngog.”

Deuteronomy 28:46

Pin’em e bayi mang mich ko tin ke turguy Got ni nge gechig nagmed ngay nge pi’in owchemed ni manemus.

Isaiah 20:3

Ma nap’an nkol yu Ashdod, me ga’ar SOMOL, “Tapigpig rog i Isaiah e ki i yan ni dariy e mad u daken nge sus rok ni dalip e duw. Irera’ e pow ko n’en ni bayi buch u Egypt ngu Ethiopia.

Jeremiah 44:29

I Gag SOMOL, e bay gu dag e mich riy ngomed ni bay gu gechig nagmed ma fare riya’ ni ku gu micheg ni nggu fek nga dakenmed e ra rriyul’.

Ezekiel 4:3

Ma ga fek barba’ i dabiy nib wasey ngam suweg ngalang ni bod e rungrung u thilmew fare binaw. Mag sabliy fare binaw ni kan m’ag e mael ngay, ni gur e ga be m’ag e mael. Irera’ e pow ni nge guy e nam nu Israel.

Ezekiel 12:6

Ma guy rogon ngar guyed gur ni kam tay e chugom rom nga pom ma ga yan nga fithik’ e lumor ni kam upnguy owchem, ya nge dab muguy e gin ga be sor ngay. N’en ni ga be rin’ e bayi mang ba pow ni nge ginaeng yu Israel.”

Psalms 9:12

I Got e der ma pagtalin e pi’in gafgow, der ma pagtalin e meyor rorad; mma gechignag e pi’in yad ma rin’ e kireb ngorad.

Luke 2:18

Ma urngin e girdi’ ni rung’ag e re bugithin nem e ra gin gad ko n’en nike yog fa pi’in yad ma gafaliy e gamanman.